നായയെ കണ്ട് ആന വിരണ്ടോടി; ഓട്ടത്തിന് ഇടയിൽ വൈദ്യുതി പോസ്റ്റുകളും കാറും ആന തകർത്തു..!!
കുറച്ചു നാളുകൾ ആയി ആന വാർത്തകൾ ആണ് സോഷ്യൽ മീഡിയയിൽ മുഴുവൻ, ആ വർത്തായിലേക്ക് ഇപ്പോഴിതാ മറ്റൊരു വാർത്ത കൂടി. ഉത്സവം കഴിഞ്ഞു തിരിച്ചു പോകുന്നതിന് ഇടയിൽ ആണ് നായയെ കണ്ട ആന വിരണ്ടോടിയത്.
വെണ്മണി നീലകണ്ഠൻ എന്ന ആനയാണ്, ആന റോഡിലൂടെ നടക്കുന്നതിന് ഇടയിൽ കുറുകെ ചാടുകയും കുരക്കുകയും ചെയ്തപ്പോൾ ഭയന്ന് ഓടിയത്. അഞ്ച് കിലോമീറ്ററോളം ഓടിയ ആന, മൂന്ന് മണിക്കൂർ പരിഭ്രാന്തി സൃഷ്ടിച്ചു.
പത്തനംതിട്ട-പന്തളം റോഡില്‍ നരിയാപുരം മുതല്‍ തുമ്പമണ്‍ മുട്ടം വരെ അഞ്ച് കിലോ മീറ്ററോളം ദൂരമാണ് ആന വിരണ്ടോടിയത്. ഇന്നലെ പുലര്‍ച്ചെ നാലിനായിരുന്നു ആനയെ തൃശ്ശൂരിലുള്ള ക്ഷേത്രത്തിലെ എഴുന്നള്ളിപ്പിന് ശേഷം നരിയാപുരത്ത് എത്തിച്ചത്. ആനയെ ലോറിയില്‍ നിന്ന് ഇറക്കി തളയ്ക്കാനായി കൊണ്ടു പോകുന്ന വേളയിലാണ് സംഭവമുണ്ടായത്. വിരണ്ടോടിയ ആനയെ പാപ്പാന്മാരും ആനയുടെ മാനേജര്‍ അഖിലും ചേര്‍ന്ന് പിന്തുടര്‍ന്നു. നരിയാപുരം പെരുമ്പ്രാല്‍ വടക്കേതില്‍ അഖിലിന്റെ കാര്‍ വിരണ്ടോടിയ ആന തകര്‍ത്തു. വൈദ്യുതിപോസ്റ്റും ഇടമാലി ജ്യോതിഭവനില്‍ യശോധരന്റെ മതിലും തകര്‍ത്ത ശേഷം ആന കെ.എസ്.ആര്‍.ടി.സി. ബസില്‍ കുത്തുകയും ചെയ്തിരുന്നു. തുടർന്ന് ആനയെ റബർ തോട്ടത്തിൽ തളയ്ക്കുക ആയിരുന്നു.