അന്യനിൽ മോഹൻലാൽ ആയിരുന്നെങ്കിൽ; ഭാര്യ വിക്രമിനോട് പറഞ്ഞതിങ്ങനെ..!!

തിരുവനന്തപുരം വിമെൻസ് കോളേജിൽ മകൻ ധ്രുവ് വിക്രം ആദ്യമായി നായകനായി എത്തുന്ന ചിത്രത്തിന്റെ ടിക്കറ്റ് ലോഞ്ചിങിന് എത്തിയ വിക്രം അവതാരകയുടെ ചോദ്യത്തിന് മറുപടിയായി ആണ് താൻ ഇഷ്ടപ്പെടുന്ന നടന്മാർ ആണ് മോഹൻലാലും മമ്മൂട്ടിയും എന്നും മമ്മൂട്ടിക്ക് ഒപ്പം അഭിനയിച്ചല്ലോ എന്നാൽ എന്നാണ് മോഹൻലാലിനൊപ്പം എന്നുള്ള ചോദ്യത്തിന് താൻ തീർച്ചയായും ഒരു വേഷം ലാലേട്ടനൊപ്പം ചെയ്യും എന്നായിരുന്നു വിക്രം പറഞ്ഞത്.

എന്നാൽ തന്നെക്കാൾ വലിയ മോഹൻലാൽ ആരാധന ഉള്ളത് തന്റെ ഭാര്യക്ക് ആണ് എന്നാണ് ചിയാൻ വീണ്ടും ആവർത്തിക്കുന്നത്. അദ്ദേഹം നിരവധി വേദികളിൽ ഇതിനെ കുറിച്ച് പറഞ്ഞിട്ടും ഉണ്ട്. താൻ എത്ര മികച്ച ചിത്രം ചെയ്താലും ലാലേട്ടൻ ആണേൽ ഇതിലും മികച്ചത് എന്നാണ് ഭാര്യ പറയും എന്നാണ് വിക്രം പറയുന്നത്. വിക്രത്തിന്റെ വാക്കുകൾ ഇങ്ങനെ

“എന്റെ ഭാര്യ ലാലേട്ടന്റെ ഭയങ്കര ഫാനാണ്. നിങ്ങള്‍ ഉണ്ടാക്കുന്ന ശബ്ദത്തേക്കാള്‍ വലിയ ശബ്ദമാണ് ലാലേട്ടന്റെ പേരു കേട്ടാല്‍ ഭാര്യ ഉണ്ടാക്കുക. ഞാന്‍ ഏത് സിനിമയില്‍ അഭിനയിച്ചാലും ഭാര്യ പറയും ലാലേട്ടന്റെ അത്രയ്ക്കു ആയിട്ടില്ലെന്ന്. അന്യന്‍ ഞാന്‍ നന്നായിട്ടു ചെയ്തു. അപ്പോഴും ഭാര്യ പറഞ്ഞു ‘ലാലേട്ടനാണെങ്കില്‍ അതു വേറെ ലെവലായേനെ’ എന്ന്.”-വിക്രം പറഞ്ഞു.