മോഹൻലാലിനൊപ്പം മാസ്സ് കാണിക്കുന്ന ആ വില്ലനെ തിരഞ്ഞെടുത്തതും ലാൽ തന്നെ; സംവിധായകൻ പറയുന്നു..!!

ഒരേ സമയം മാസ്സും ക്ലാസും ചേർന്ന മോഹൻലാൽ (mohanlal) ചിത്രങ്ങൾ ഒട്ടേറെ ഉണ്ടെങ്കിലും മോഹൻലാൽ ദേവൻ ആയും അസുരനായും ആറാടിയ ചിത്രം ആണ് ദേവാസുരം(devasuram). മോഹൻലാലിൻറെ ആദ്യ കൾട്ട് മാസ്സ് സിനിമ എന്ന വിശേഷണം കൂടി ഉള്ള ചിത്രം ആണ് രഞ്ജിത്ത് തിരക്കഥ എഴുതി ഐ വി ശശി സംവിധാനം ചെയ്ത ദേവാസുരം. അന്ന് ഇത്തരത്തിൽ ഉള്ള ഒരു കഥ കേട്ടപ്പോൾ പലർക്കും വിജയം ആകുമോ എന്നുള്ള സംശയം ഉണ്ടായിരുന്നു എന്ന് രഞ്ജിത്ത് പറയുന്നു.

എന്നാൽ തനിക്ക് ധൈര്യം തന്നത് നായകനായി എത്തിയ മോഹൻലാലും സംവിധായകൻ ശശിയേട്ടനും ആണെന്ന് രഞ്ജിത്ത് പറയുന്നു. ഇവർക്ക് രണ്ടു പേർക്കും ആത്മവിശ്വാസം ഉള്ളപ്പോൾ എനിക്ക് എന്തിന് ധൈര്യക്കുറവ് വേണം എന്ന് തോന്നി. ലാലിൻറെ ആ സമയത്തുള്ള മനസ് തന്നെയാണ് ഇത്തരത്തിൽ ഉള്ള സിനിമ പിറക്കാൻ കാരണം. സിനിമയിൽ വില്ലനായ നെപ്പോളിയൻ ലാലിനെ ചവിട്ടുന്ന സീനുണ്ട്. ആ ചവിട്ടില്‍ മുഖത്തെ മുറിവുകളുടെ തുന്നിക്കെട്ടലുകളിൽ നിന്ന് ചോരയൊഴുകണം.

ആ സീനിൽ അഭിനയിക്കുമ്പോൾ ലാലിനെ ചവിട്ടാൻ നെപ്പോളിയന് വല്ലാത്ത പേടി. അപ്പോൾ പ്രോത്സാഹിപ്പിച്ചത് ലാലാണ്. അത്തരം നിസ്സാരത്വമൊന്നും ലാലിനെ ബാധിച്ചിരുന്നില്ല. നെപ്പോളിയനെ ആ സിനിമയിലേക്ക് നിർദ്ദേശിച്ചത് തന്നെ ലാലായിരുന്നു. ശേഖരന്റെ വേഷത്തിൽ പതിവ് ആളുകളെ ഒഴുവാക്കിയാൽ നന്നായിരിക്കുമെന്ന് ഞാൻ ശശിയേട്ടനോട് പറഞ്ഞിരുന്നു’.