അഭിനയത്തിൽ വിസ്മയിപ്പിച്ചത് മോഹൻലാൽ, മമ്മൂട്ടി അത്ഭുതപ്പെടുത്തിയത് ഇങ്ങനെ; പാർവതിയുടെ വാക്കുകൾ..!!

ബാലചന്ദ്ര മേനോൻ സംവിധാനം ചെയ്ത് 1986ൽ പുറത്തിറങ്ങിയ വിവാഹിതരെ ഇതിലെ എന്ന ചിത്രത്തിൽ കൂടി അഭിനയ രംഗത്ത് എത്തിയ നടിയാണ് പാർവതി. മോഹൻലാൽ, മമ്മൂട്ടി തുടങ്ങി മലയാളത്തിലെ ഒട്ടുമിക്ക താരങ്ങൾക്ക് ഒപ്പം സ്ക്രീൻ പങ്കിട്ടുള്ള പാർവതി വിവാഹം ചെയ്തത് മലയാള സിനിമയിലെ തൊണ്ണൂറുകളിലെ ജനപ്രിയ നായകൻ ജയറാമിനെയാണ്. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതർ ആയത്. ജയറാമിന് ഒപ്പം നിരവധി ചിത്രങ്ങളിൽ അഭിനയിച്ചിട്ടുണ്ട് എങ്കിൽ കൂടിയും തന്നെ വിസ്മയിപ്പിച്ച നടൻ മോഹൻലാൽ ആണെന്ന് പാർവതി പറയുന്നു.

പാർവതിയുടെ വാക്കുകൾ ഇങ്ങനെ,

അങ്ങനെ എന്നെ വിസ്മയിപ്പിച്ച ഒരാളെ മലയാള സിനിമയിൽ ഉള്ളു അത് മോഹൻലാൽ ആണ്. നമുക്ക് തോന്നും എത്ര കാഷ്വൽ ആയിട്ട് ആണ് എത്ര ഈസി ആയി ആണ് അഭിനയിക്കുന്നത് എന്ന്, മമ്മൂക്കയും അത്ഭുതപ്പെടുത്തിയിട്ടുണ്ട് അദ്ദേഹത്തിന്റെ ഡെഡിക്കേഷൻ കൊണ്ട്, അന്നൊക്കെ ഒരു മാസത്തിൽ ഒരു സിനിമ വെച്ച്‌ ഉണ്ടാകും, അതിനെ കുറിച്ച് മമ്മൂക്കയോട് ബോറടിക്കില്ലേ എന്ന് ചോദിച്ചപ്പോൾ, ഓരോ മുപ്പത് ദിവസം കൂടുമ്പോഴും നമ്മൾ വേറെ ആളുകൾ ആകുകയാണ്, പിന്നെ എങ്ങനെ ബോറടിക്കും.

പ്രമുഖ മാധ്യമത്തിന് നല്കിയ അഭിമുഖത്തിൽ ആണ് പാർവതി തന്റെ മനസ്സ് തുറന്നത്.