ക്യാമറക്ക് മുന്നിലെത്തിയാൽ സർ എന്ന് വിളിക്കും; അല്ലാത്തപ്പോൾ മോനെ എന്നും; ലാലേട്ടനെ കുറിച്ച് പൃഥ്വിരാജ്..!!

മലയാളത്തിൽ ഒരു വിസ്മയമായി നിൽക്കുന്ന അതുല്യ നടനാണ് മോഹൻലാൽ. ചെയ്യാത്ത കഥാപാത്രങ്ങളില്ല. ഇന്ന് മലയാള സിനിമക്ക് ലഭിക്കുന്ന റീച് ഉണ്ടാക്കിയ ബ്രാൻഡ് കൂടി ആണ് മോഹൻലാൽ എന്നാണ്. മോഹൻലാലിനെ വെച്ച് ഒരു സിനിമ ഒരുക്കുമ്പോൾ ഉണ്ടാകുന്ന വിസ്മയങ്ങളെ കുറിച്ച് മനസ് തുറക്കുകയാണ് പൃഥ്വിരാജ്.

ഫിലിം ക്യാമ്പയിന് നൽകിയ അഭിമുഖത്തിൽ പൃഥ്വിരാജ് പറയുന്നത് ഇങ്ങനെ..

അദ്ദേഹത്തിനൊപ്പം വർക്ക് ചെയ്യുക വളരെ എളുപ്പമാണ്. സൗഹൃദത്തിനുമപ്പുറം ഒരു സഹോദരനെ പോലെയാണ് അദ്ദേഹം എനിക്ക്. സെറ്റുകളിൽ പുള്ളി വർക്ക് ചെയ്യുന്ന രീതി എങ്ങനെയാണെന്ന് വന്നു കാണണം. ഷോട്ടിനു തൊട്ടു മുൻപ് അദ്ദേഹം തമാശകൾ പറയുന്നു മോനേ എന്നു വിളിക്കുന്നു.

എന്നാൽ അസിസ്റ്റന്റ് വന്നു ഷോട്ട് റെഡി എന്നു പറഞ്ഞാൽ അദ്ദേഹം നടന്നു ക്യാമറയ്ക്കു മുന്നിലേക്ക് ചെല്ലും പിന്നെ ‘സർ’ എന്നാണ് വിളി. ഏതെങ്കിലും ഷോട്ട് എനിക്ക് തൃപ്തി തോന്നിയില്ലെങ്കിൽ വീണ്ടും ചെയ്യണമെന്നാവശ്യപ്പെട്ടാൽ ഓകെ ‘സർ’ എന്നു പറയും.

ഷോട്ട് കഴിഞ്ഞ് കട്ട് പറഞ്ഞാൽ വീണ്ടും അടുത്തു വന്നിരുന്ന് സ്നേഹത്തോടെ മോനേ എന്നു വിളിക്കും. അദ്ദേഹം ജോലി ചെയ്യുന്നത് കാണണം അത്ഭുതകരമായ അനുഭവമാണ് പൃഥ്വി പറയുന്നു.