അന്ന് ഞാനും ജയറാമും സിത്താരയെ കണ്ട് അന്തംവിട്ട് നിന്നുപോയിട്ടുണ്ട്; സുരേഷ് ഗോപിയുടെ വാക്കുകൾ..!!

ഒമ്പതാം ക്ലാസ്സിൽ പഠിക്കുമ്പോൾ ആണ് സിതാര ആദ്യമായി മലയാളം സിനിമയിൽ അഭിനയിക്കുന്നത്. 1984 ൽ പുറത്തിറങ്ങിയ കാവേരി ആയിരുന്നു ആ ചിത്രം. ആകാലത്തിൽ മോഹിനിയാട്ടം പഠിച്ചിരുന്ന സിതാര ആ കലാലയത്തിൽ പുതുമുഖങ്ങളെ തിരഞ്ഞു രാജീവ് നാഥേ എത്തിയപ്പോൾ ആണ് സിത്താരയെ കണ്ടെത്തുന്നതും അഭിനയ ലോകത്തിലേക്ക് കൊണ്ടുവരുന്നതും.

മലയാളത്തിന് പുറമെ തമിഴ് തെലുങ്ക് കന്നഡ ഭാഷകളിൽ താരം അഭിനയിച്ചിട്ടുണ്ട്. തമിഴിൽ ആയിരുന്നു ശ്രദ്ധേയമായ തുടക്കം. ആര്യൻ പാദമുദ്ര നാടുവാഴികൾ മഴവിൽക്കാവടി ചമയം ഗുരു തുടങ്ങിയ സൂപ്പർ ഹിറ്റ് ചിത്രങ്ങളുടെ ഭാഗമാകാൻ സിത്താരക്ക് കഴിഞ്ഞു. സിനിമയിൽ സൗഭാഗ്യങ്ങൾ കൊണ്ട് മൂടി എങ്കിൽ കൂടിയും 48 വയസ്സ് കഴിഞ്ഞ താരം ഇതുവരെയും വിവാഹം കഴിച്ചട്ടില്ല.

തിരുവനന്തപുരം കിളമാനൂരിൽ ആയിരുന്നു താരം ജനിക്കുന്നത്. ചെറുപ്പം മുതൽ തന്നെ വിവാഹം എന്ന രീതിയോട് തനിക്ക് താല്പര്യം ഇല്ലായിരുന്നു എന്നാണ് സിതാര പലപ്പോഴും പറഞ്ഞിട്ടുള്ളത്. ഇപ്പോഴിതാ മലയാളത്തിലെ സൂപ്പർ താരങ്ങൾ സിത്താരക്ക് മുന്നിൽ ലൊക്കേഷനിൽ അന്തംവിട്ട് നോക്കി നിന്ന സംഭവത്തെ കുറിച്ച് മനസ്സ് തുറക്കുകയാണ് സുരേഷ് ഗോപി.

താനും ജയറാമും അന്തം വിട്ടു നോക്കി നിന്ന നായികയാണ് സിത്താര. ഞാൻ സിനിമയിലെത്തുന്ന കാലത്ത് ആദ്യമായി കണ്ട പ്രധാന നായികയായിരുന്നു സിത്താര. കഴിവ് കൊണ്ടും അഭിനയ മികവ് കൊണ്ടും ഞാനും ജയറാമും ഒക്കെ ഒന്ന് മേലോട്ട് നോക്കി കണ്ട ഒരു നടിയാണ് സിത്താര. വചനം ഒരുക്കം എന്നീ സിനിമകളിലാണ് ഞങ്ങൾ ഒരുമിച്ച് അഭിനയിച്ചത്. ഗുരു എന്ന ചിത്രത്തിൽ ഒരുമിച്ചുള്ള സീനുകൾ കുറവായിരുന്നുവെങ്കിലും അതും എണ്ണത്തിൽ കൂട്ടാം.

വചനം എന്ന ചിത്രത്തിലാണ് ഞാനും ജയറാമും സിത്താരയും ഒരുമിച്ചഭിനയിച്ചത്. ഈ സിനിമയുടെ ലൊക്കേഷനിൽ വച്ചാണ് സിത്താരയുടെ അഭിനയം കണ്ട് ഞങ്ങൾ അന്തം വിട്ട് നിന്നത്. ഈ ചിത്രത്തിലെ ‘നീർമിഴി പീലിയിൽ നീർമണി തുളുമ്പി’ എന്ന ഗാനം ആ സമയത്ത് വലിയ ഹിറ്റായിരുന്നു. സിത്താര പിന്നീട് മറ്റ് തെന്നിന്ത്യൻ ഭാഷകളിലേക്ക് എന്ന് പറഞ്ഞു ഞങ്ങളെ വിട്ടു ഓടി പോയി. അവർ ആ സമയത്ത് വളരെ തിരക്കുള്ള ഒരു അഭിനേത്രി ആയിരുന്നു.’ സുരേഷ് ഗോപി പറയുന്നു.