വിഷ്ണു ഉണ്ണികൃഷ്ണന്റെ തിരക്കഥയിൽ ഷാഫി സംവിധാനം ചെയ്യുന്ന ചിത്രത്തിൽ മോഹൻലാൽ നായകൻ..!!

മോഹൻലാൽ ആരാധകർക്കിതാ മറ്റൊരു സന്തോഷ വാർത്ത കൂടി. കോമഡി ചിത്രങ്ങൾ കൊണ്ട് പ്രേക്ഷക ഹൃദയങ്ങൾ കീഴടക്കിയ സംവിധായകൻ ഷാഫി ആദ്യമായി മോഹൻലാലിനൊപ്പം ഒന്നിക്കുന്നു.

കല്യാണരാമൻ, പുലിവാൽ കല്യാണം, തൊമ്മനും മക്കളും, റ്റു കൺട്രിസ്, മായാവി, ചട്ടമ്പിനാട്, എന്നിവയാണ് ഷാഫി സംവിധാനം ചെയ്ത ചിത്രങ്ങൾ. സന്തോഷ് ടി കുരുവിളയും വൈശാഖ് രാജനും ചേർന്ന് നിർമ്മിക്കുന്ന ഈ ചിത്രത്തിന് വേണ്ടി തിരക്കഥ ഒരുക്കുന്നത് വിഷ്ണു ഉണ്ണികൃഷ്ണൻ ആണ്.

റഫീഖ് അഹമ്മദിന്റെ വരികൾക്ക് സംഗീതം നൽകുന്നത് വിദ്യാസാഗറാണ്. ജീത്തു ജോസഫ് സംവിധാനം ചെയ്യുന്ന ചിത്രത്തിന് ശേഷമാണ് ഈ ചിത്രത്തിലേക്ക് മോഹൻലാൽ കടക്കുക. 2020 ൽ വമ്പൻ മോഹൻലാൽ ചിത്രങ്ങൾ ആണ് എത്തുന്നത്. സിദ്ദിഖ് ലേഡീസ് ആൻഡ് ജന്റിൽമാൻ എന്ന ചിത്രത്തിന് ശേഷം മോഹൻലാലിനൊപ്പം ഒന്നിക്കുന്ന ബിഗ് ബ്രദർ ജനുവരിയിൽ റിലീസിന് എത്തും.

തുടർന്ന് പ്രിയദർശൻ ഒരുക്കുന്ന ബ്രഹ്മാണ്ഡ ചിത്രം മരക്കാർ അറബിക്കടലിന്റെ സിംഹം എത്തും. തുടർന്ന് ജീത്തു ജോസഫ് ചിത്രം ആയിരിക്കും റിലീസിന് എത്തുക. ഇതുകൂടാതെ മോഹൻലാൽ സംവിധാനം ചെയ്യുന്ന ബറോസും അടുത്ത വർഷം ഉണ്ടാവും.