മാമാങ്കം ഏകദേശം 23 കോടിക്ക് മുകളിലാണ് ഇതുവരെയുള്ള കളക്ഷൻ; വെട്ടിമാറ്റേണ്ടതിനെ മാറ്റി തന്നെയുള്ള യാത്ര; നിർമാതാവ് പറയുന്നത് ഇങ്ങനെ..!!

തൻ സ്വപനം കണ്ടതിനേക്കാൾ വലിയ വിജയം ആണ് മാമാങ്കം നേടിയിരിക്കുന്നത് എന്നാണ് ചിത്രത്തിന്റെ നിർമാതാവ് വേണു കുന്നപ്പിള്ളി സാമൂഹിക മാധ്യമത്തിൽ കുറിച്ചത്. എം പത്മകുമാർ സംവിധാനം ചെയ്ത് മമ്മൂട്ടി ഉണ്ണി മുകുന്ദൻ മാസ്റ്റർ അച്യുതൻ എന്നിവർ പ്രധാന വേഷത്തിൽ എത്തിയ ചിത്രം ഡിസംബർ 12 നു ആണ് തീയറ്ററുകളിൽ എത്തിയത്.

ആദ്യ ദിനം ലോകമെമ്പാടും നിന്നും നേടിയത് 23 കോടി രൂപ ആണ് എന്നാണു വേണു കുന്നപ്പിള്ളി അവകാശപ്പെടുന്നത്. വേണുവിന്റെ വാക്കുകൾ ഇങ്ങനെ,

മാമാങ്ക വിശേഷങ്ങൾ. ഇന്നലെ ആ സുധിനമായിരുന്നു മാമാങ്കം എന്ന സ്വപ്നം നിങ്ങളുടെ മുന്നിലേക്കെത്തി. ഏകദേശം രണ്ടു വർഷമായുള്ള യാത്രയായിരുന്നു. ഉദ്യോഗ ജനകവും രസകരവും വെട്ടിമാറ്റേണ്ടതിനെ മാറ്റിയും തന്നെ ആയിരുന്നു ആ യാത്ര.

ലോകവ്യാപകമായി ജനങ്ങൾ വളരെ ആവേശത്തോടെയാണ് ഈ സിനിമയെ ഏറ്റെടുത്തിരിക്കുന്നത്. ഇന്നലെ കുറെ സിനിമാ തിയേറ്ററുകളിൽ ഞങ്ങൾ വിസിറ്റ് ചെയ്തു. റിലീസ് ചെയ്ത ഏകദേശം 2000 സെൻടറുകളിൽ നിന്നുള്ള റിപ്പോർട്ടുകൾ ആവേശഭരിതമാണ്. വെളുപ്പിന് വരെയുള്ള അവൈലബിൾ റിപ്പോർട്ടുകളനുസരിച്ച് ലോകവ്യാപകമായി ഉള്ള കളക്ഷൻ ഇപ്പോൾതന്നെ ഏകദേശം 23 കോടിക്ക് മുകളിലാണ്.

അത്ഭുതങ്ങൾ നിറഞ്ഞതും മലയാളികൾക്ക് വളരെ പുതുമയുള്ള തുമായ ഈ ദൃശ്യ വിസ്മയ സിനിമയെ നശിപ്പിക്കാൻ പലരും ശ്രമിക്കുന്നുണ്ടെങ്കിലും, ഞങ്ങളതിനെ പുച്ഛത്തോടെ തള്ളിക്കളയുന്നു. ആയിരക്കണക്കിന് ആളുകളുടെ അധ്വാനമാണ് ഈ സിനിമ. കോടിക്കണക്കിനു രൂപയുടേയും. ഈ സിനിമയുടെ വിജയത്തിനായി എന്നോടൊപ്പം നിന്ന എല്ലാവരെയും ഈ നിമിഷത്തിൽ ഞാൻ ഓർക്കുന്നു.

അതുപോലെ ഷൂട്ടിംഗ് മുതൽ ഇന്നലെ സിനിമ ഇറങ്ങുന്ന നിമിഷങ്ങൾ വരെ അതിനെ മുടക്കാൻ പ്രവർത്തിച്ച ആളെയും ഞാൻ മറക്കുകയില്ല. കൂലിയെഴുത്തുകാർ അവരുടെ ജോലി തുടരട്ടെ. ഈ സിനിമ ഭാവിയിൽ മലയാളത്തിൽ വരാൻ പോകുന്ന മെഗാ പ്രോജക്ട് കൾക്ക് ഉത്തേജക മായിരിക്കും.