ലാലേട്ടന്റെ സംവിധാന മികവ് പണ്ടേ അറിയാം; ബാറോസിൽ ഞാനും ഒരു വേഷം ചോദിച്ചിരുന്നു; ദിലീപിന്റെ വാക്കുകൾ..!!

കഴിഞ്ഞ നാൽപ്പത് വർഷമായി ഇന്ത്യൻ സിനിമയിൽ അഭിനയൻ കൊണ്ട് വിസ്മയം തീർത്ത മോഹൻലാൽ ആദ്യമായി സംവിധാനം ചെയ്യാൻ പോകുക ആണ്. എറണാകുളത്തു വെച്ച് നടന്ന പൂജ ചടങ്ങിൽ മലയാള സിനിമയിലെ പ്രമുഖരായ ഒട്ടേറെ ആളുകൾ എത്തി. മമ്മൂട്ടി പൃഥ്വിരാജ് ദിലീപ് എന്നിവർ ആയിരുന്നു അതിൽ പ്രധാനികൾ. അതോടൊപ്പം പ്രിയദർശൻ , ഫാസിൽ , സത്യൻ അന്തിക്കാട് അടക്കം ഉള്ള സംവിധായകരും ഉണ്ടായിരുന്നു.

ഏറെ കാലത്തിന് ശേഷം മോഹൻലാൽ മമ്മൂട്ടി ദിലീപ് പൃഥ്വിരാജ് എന്നിവരെ ഒരേ വേദിയിൽ കാണാൻ കഴിഞ്ഞു എന്നുള്ളതും ആരാധകർക്ക് വലിയ സന്തോഷം നൽകിയ കാര്യം ആണ്. ഇപ്പോൾ ചിത്രത്തിന്റെ പൂജ ചടങ്ങുകൾക്കു ശേഷം മാധ്യമങ്ങളെ കാണുന്ന വേളയിൽ ദിലീപ് പറഞ്ഞ വാക്കുകൾ ആണ് ശ്രദ്ധ നേടുന്നത്.

” ലാലേട്ടനിലെ സംവിധായകന്റെ കഴിവുകൾ വളരെ നേരത്തെ തന്നെ അറിഞ്ഞിട്ടുള്ള വ്യക്തിയാണ് ഞാൻ. ഉള്ളടക്കം എന്ന സിനിമ ചെയ്യുന്ന സമയത്ത് അതിലെ ഒരു സംഘട്ടന രംഗം ലാലേട്ടനാണ് ഒരുക്കിയത്. അന്ന് ഞാനും ലാൽ ജോസുമായിരുന്നു അദ്ദേഹത്തിന്റെ സഹായികൾ. അവിടെ ഇടി ഇങ്ങനെ ഇടി എന്നൊക്കെ അദ്ദേഹം പറയുമ്പോൾ അതൊക്കെ ഞങ്ങൾ അനുകരിച്ചു കാണിക്കും. ലാലേട്ടൻ സംവിധാനം ചെയ്യുന്നുവെന്ന് കേട്ടപ്പോഴെ അദ്ദേഹത്തോടു ഞാൻ ചെറിയൊരു വേഷം ചോദിച്ചിരുന്നു. പക്ഷേ ഇപ്പൊൾ ഇതിലെ അഭിനേതാക്കളെ കാണുമ്പോൾ അതിനു അവസരം ഇല്ല എന്നു തോന്നുന്നു.’ ദിലീപ് പറഞ്ഞു.

ഗോവ പോർച്ചുഗീസ് എന്നിവിടങ്ങളിൽ ആണ് സിനിമയുടെ പ്രധാന ലൊക്കേഷനുകൾ. മോഹൻലാൽ ചിത്രം സംവിധാനം ചെയ്യുന്നതിന് ഒപ്പം തന്നെ പ്രധാന വേഷത്തിൽ എത്തുന്നതും ഉണ്ട്. പൃഥ്വിരാജ് ആണ് മറ്റൊരു പ്രധാന താരം. ലാലേട്ടൻ ആദ്യമായി സംവിധാനം ചെയ്യുന്ന ചിത്രത്തിൽ എനിക്കൊരു വേഷം തന്നതിൽ സന്തോഷം ഉണ്ട് എന്നും പൃഥ്വിരാജ് പറയുന്നു.