ബാലൻ വക്കീലായി ദിലീപിനെ നിർദ്ദേശിച്ചത് ലാലേട്ടനാണ്; ബി ഉണ്ണികൃഷ്ണൻ..!!
വില്ലൻ എന്ന മോഹൻലാൽ ചിത്രത്തിന് ശേഷം ബി ഉണ്ണികൃഷ്ണൻ ഒരുക്കുന്ന പുതിയ ചിത്രമാണ് കോടതി സമക്ഷം ബാലൻ വക്കീൽ, ദിലീപ് ആണ് ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത്.
വിക്കുള്ള വക്കീൽ വേഷത്തിൽ ദിലീപ് എത്തുമ്പോൾ നർമ്മത്തിൽ പൊതിഞ്ഞ ഒരു ത്രില്ലർ ചിത്രം തന്നെയാണ് ബി ഉണ്ണികൃഷ്ണന്റെ തിരക്കഥയിൽ പിറക്കുന്നത്.
ചിത്രത്തിന്റെ ആദ്യ ആലോചനകൾ മൂന്ന് വർഷങ്ങൾക്ക് മുമ്പാണ് നടന്നത് എന്നും അന്ന് ലാലേട്ടനുമായി ഈ കാര്യം പങ്കുവെച്ചത്, അദ്ദേഹമാണ് ഈ വേഷത്തിൽ ഏറ്റവും അനുയോജ്യമായ നടൻ ദിലീപ് ആണെന്ന് നിർദ്ദേശിച്ചത് എന്നാണ് ബി ഉണ്ണികൃഷ്ണൻ ബാലൻ വക്കീലിന്റെ ഓഡിയോ ലോഞ്ച് ചടങ്ങിൽ വ്യക്തമാക്കിയത്.
ഹരിനാരായണന്റെ വരികള്‍ക്ക് ഗോപി സുന്ദറാണ് ഈണം പകര്‍ന്നിരിക്കുന്നത്. പ്രണവം ശശി, സിത്താര, സാഷാ തിരുപ്പതി, യാസിന്‍ നിസാര്‍ എന്നിവരാണ് ഗാനങ്ങള്‍ പാടിയിരിക്കുന്നത്.
ഫെബ്രുവരി 21നാണ് കോടതി സമക്ഷം ബാലന്‍ വക്കീല്‍ തിയേറ്ററുകളിലെത്തുന്നത്. ദിലീപ് നായകനായി ഈ വർഷം എത്തുന്ന ആദ്യ ചിത്രത്തിന് വമ്പൻ സ്വീകരണം നൽകാൻ ആണ് ദിലീപ് ആരാധകർ പദ്ധതി ഇട്ടിരിക്കുന്നത്.
ബാലന്‍ വക്കീലില്‍ ദിലീപിന്റെ കോമഡി നമ്പറുകളാകും ആകര്‍ഷണമാകുക. വിക്കന്‍ കഥാപാത്രത്തെയാണ് ദിലീപ് അവതരിപ്പിക്കുക. കോമഡി മാത്രമല്ല ആക്ഷഷനും ത്രില്ലും കോര്‍ത്തിണക്കിയ മുഴുനീള എന്റര്‍ടെയ്‌നറാകും കോടതിസമക്ഷം ബാലന്‍ വക്കീല്‍.