ലൂസിഫറിന്റെ സെൻസർ കഴിഞ്ഞു; ക്ലീൻ യൂ സർട്ടിഫിക്കറ്റ്..!!

മോഹൻലാൽ നായകനായി എത്തുന്ന ഈ വർഷത്തെ ആദ്യ ചിത്രം ലൂസിഫറിന്റെ സെൻസർ പൂർത്തിയായി, രാഷ്ട്രീയ പശ്ചാത്തലത്തിൽ ഒരുങ്ങുന്ന ത്രില്ലർ ചിത്രത്തിന് ക്ലീൻ യൂ സർട്ടിഫിക്കറ്റ് ആണ് ലഭിച്ചിരിക്കുന്നത്.

ഒരു സീൻ പോലും സെൻസർ കട്ട് ഇല്ലാതെയാണ് ചിത്രം എത്തുന്നത്. മാർച്ച് 28ന് ആണ് ചിത്രം റിലീസ് ചെയ്യുന്നത്. 2 മണിക്കൂർ 48 മിനിറ്റ് ആണ് ചിത്രത്തിന്റെ ദൈർഘ്യം.

പൃഥ്വിരാജ് ആദ്യമായി സംവിധാനം ചെയ്യുന്ന ചിത്രത്തിന്റെ നിർമ്മാണം ആന്റണി പെരുമ്പാവൂർ ആണ്. മുരളി ഗോപിയുടേത് ആണ് തിരക്കഥ.

മോഹൻലാലിന് ഒപ്പം മഞ്ജു വാര്യർ, ടോവിനോ തോമസ്, വിവേക് ഒബ്രോയ്‌, ഇന്ദ്രജിത് സുകുമാരൻ, ബാല, നൈല ഉഷ, കലാഭവൻ ഷാജോണ്, തുടങ്ങി വലിയ താരനിരയാണ് ചിത്രത്തിന് ഉള്ളത്.

ചിത്രത്തിന്റെ ട്രയ്ലർ മാർച്ച് 22ന് അബുദാബി ഡെൽമ മാളിൽ വെച്ച് ലോഞ്ച് ചെയ്യും.