മിസ്റ്ററി ത്രില്ലറുമായി മോഹൻലാൽ – ജീത്തു ജോസഫ് ടീം; ബ്രോഡാഡിക്ക് മുന്നേ ഷൂട്ട് ചെയ്യും; വിശദീകരണം നൽകി ജീത്തു ജോസഫ്..!!

മലയാളികൾക്ക് എന്നും ആഘോഷിക്കുന്ന ചിത്രം നൽകുന്ന കോമ്പിനേഷൻ ആണ് മോഹൻലാൽ ജീത്തു ജോസഫ്. ഇരുവരും ഒന്നിച്ച ചിത്രങ്ങൾ രണ്ടും വമ്പൻ വിജയങ്ങൾ ആയിരുന്നു. ദൃശ്യവും ദൃശ്യം 2 നും ശേഷം മോഹൻലാൽ ജീത്തു ജോസഫ് ആശിർവാസ് സിനിമാസ് ടീം വീണ്ടും ഒന്നിക്കുകയാണ്. മോഹൻലാലിനെ നായകനാക്കി നേരത്തെ ജീത്തു ജോസഫ് റാം എന്നൊരു ചിത്രം ചിത്രീകരണം നടത്തി എങ്കിൽ കൂടിയും കൊറോണ വന്നതോടെ പൂർത്തി ആക്കാൻ കഴിഞ്ഞില്ല.

ഇന്ത്യക്ക് പുറത്ത് അടക്കം ഷൂട്ടിംഗ് ഉള്ള ചിത്രമാണ് റാം. തൃഷയാണ് മോഹൻലാലിൻറെ നായികയായി എത്തുന്നത്. എന്നാൽ ഈ ചിത്രം വൈകുന്നതോടെ മോഹൻലാൽ ജീത്തു ജോസഫ് ആന്റണി പെരുമ്പാവൂർ ടീം വീണ്ടും ഒന്നിക്കുന്നു എന്നുള്ള വാർത്ത ആണ് എത്തുന്നത്. കോവിഡ് വിലക്കുകൾ കഴിഞ്ഞാൽ ആദ്യം ഷൂട്ടിംഗ് ചെയ്യുന്ന ചിത്രം ഈ മിസ്റ്ററി ത്രില്ലെർ ആയിരിക്കും എന്ന് ജീത്തു ജോസഫ് പറയുന്നു.

അതിന് ശേഷം ആയിരിക്കും മോഹൻലാൽ പൃഥ്വിരാജ് സംവിധാനം ചെയ്യുന്ന ബ്രോ ഡാഡിയിൽ ജോയിൻ ചെയ്യുക. കോവിഡ് പ്രോട്ടോക്കോൾ അനുസരിച്ചായിരിക്കും സിനിമയുടെ ചിത്രീകരണം. ഒരു മിസ്റ്ററി ത്രില്ലർ ചിത്രമാണ് ഒരുക്കുന്നത്. സിനിമ ഒടിടിയ്ക്ക് വേണ്ടിയാണോ എന്നതിനെക്കുറിച്ചുള്ള തീരുമാനങ്ങൾ ഒന്നുമായിട്ടില്ല. എനിക്കതിനെക്കുറിച്ച് അറിവുമില്ല. ആന്റണി പെരുമ്പാവൂരാണ് സിനിമ നിർമ്മിക്കുന്നതെന്നും ജീത്തു ജോസഫ് ദ ക്യുന് നൽകിയ അഭിമുഖത്തിൽ ആണ് വെളിപ്പെടുത്തൽ നടത്തിയത്.

മോഹൻലാൽ സംവിധാനം ചെയ്യുന്ന ബറോസും ഇന്ത്യക്ക് അകത്തും പുറത്തുമായി ഷൂട്ടിങ് ബാക്കി ഉണ്ട്. ജീത്തു ജോസഫ് മോഹൻലാൽ കൂട്ടുകെട്ടിൽ ഒരുങ്ങുന്ന ബിഗ് ബഡ്ജറ്റ് ചിത്രം റാമിന്റെ ചിത്രീകരണം കോവിഡ് വ്യാപനത്തെ തുടർന്ന് താൽക്കാലികമായി നിർത്തിവെച്ചിരിക്കുകയാണ്. സിനിമയുടെ ലണ്ടൻ ഷെഡ്യൂൾ പൂർത്തിയായിട്ടില്ല.

സാഹചര്യങ്ങൾ അനുകൂലമാകുമ്പോൾ സിനിമയുടെ ഷൂട്ടിങ് പുനരാരംഭിക്കുമെന്നും ജീത്തു ജോസഫ് പറഞ്ഞു. പൃഥ്വിരാജ് സംവിധാനം ചെയ്യുന്ന ബ്രോ ഡാഡിക്ക് ശേഷമായിരിക്കും മോഹൻലാലിന്റെ ആദ്യ സംവിധാന സംരംഭമായ ബറോസിന്റെ അടുത്ത ഷെഡ്യൂൾ ആരംഭിക്കുന്നത്. കോവിഡ് വ്യാപനത്തെ തുടർന്ന് സിനിമയുടെ ഷൂട്ടിങ് താൽക്കാലികമായി നിർത്തിവെച്ചിരിക്കുകയാണ്.