ഈ അടുത്ത് ഒരു മഹാനടന്റെ പടമിറങ്ങി, പൊട്ടന്മാരായ ഫാൻസ്‌ പോലും രാത്രി പന്ത്രണ്ടരക്ക് തുടങ്ങിയ ഷോ പകുതി ആയപ്പോൾ ഇറങ്ങി ഓടി; വിനായകൻ..!!

മലയാളത്തിൽ ഇത്രയേറെ ചങ്കൂറ്റമുള്ള മറ്റൊരു നടനും ഇല്ല എന്ന് വേണമെങ്കിൽ വിനായകൻ കുറിച്ച് പറയേണ്ടി വരും അത്രക്കും കണിശമായി ആണ് മലയാളത്തിലെ സൂപ്പർ താരങ്ങളെ വിനായകൻ വിമർശനം നടത്തുന്നത്.

ഏത് വിഷയത്തിലും തന്റെ രാഷ്ട്രീയം വ്യക്തമാക്കുന്ന വിനായകൻ ഇപ്പോൾ സൂപ്പർ താരങ്ങളെ കുറിച്ചും അവരുടെ ആരാധകരെ കുറിച്ചും വിമർശനം നടത്തി രംഗത്ത് വന്നിരിക്കുകയാണ്. നവ്യ നായർ മലയാളത്തിലേക്ക് തിരിച്ചു വരവ് നടത്തിയ ഒരുത്തി എന്ന ചിത്രത്തിന്റെ പ്രൊമോഷന്റെ ഭാഗമായി എത്തിയപ്പോൾ ആണ് വിനായകൻ പ്രതികരണം നടത്തിയത്.

ഫാൻസുകാർ എന്ന മണ്ടന്മാർ വിചാരിച്ചാൽ ഒന്നും തന്നെ നടക്കാൻ പോണില്ല എന്ന് വിനായകൻ പറയുന്നു. ഈ അടുത്ത് ഒരു മഹാനടന്റെ പടം ഇറങ്ങി, നാലര മണിക്കൂർ കഴിഞ്ഞു ഒരു കമന്റ് വന്നു. ഒന്നരക്കോടി, പടം തുടങ്ങിയത് പന്ത്രണ്ടരക്കാണ്. ഇന്റർവെൽ ആയപ്പോൾ ഒന്നര ആയപ്പോൾ എല്ലാവരും ഇറങ്ങി ഓടി എന്നാണ് പറയുന്നത്.

ഇവിടെത്തെ വലിയ സൂപ്പർ സ്റ്റാറിന്റെ പടം ആണ്. പിന്നെ ഒരു പൊട്ടനും ഉണ്ടായില്ല ഇ പടം കാണാൻ. പിന്നെ ഇവരെ കൊണ്ട് ഒന്നും നടക്കാൻ പോകുന്നില്ല. ഈ ഫാൻസ്‌ വിചാരിച്ചു എന്ന് കരുതി ഒരു സിനിമയും നന്നാക്കാനും പോകുന്നില്ല. ചീത്ത ആകാനും പോകുന്നില്ല. ഏതെല്ലാം വെറും ജോലിയില്ലാത്ത തെണ്ടികൾ ആണ്. കൂടുതൽ ഒന്നും പറയാൻ ഇല്ല.

അഭിമുഖങ്ങൾ, സിനിമ വിശേഷങ്ങൾ, അനുഭവങ്ങൾ Online Malayali Entertainments എന്ന യൂട്യൂബ് ചാനലിൽ കൂടി നിങ്ങളിലേക്ക്, സബ്സ്ക്രൈബ് ചെയ്യാൻ മറക്കല്ലേ | Click here for subscribing to latest interviews, movie reports, theatre response from Online Malayali Entertainments

ഫാൻസ്‌ ഷോ അല്ല ഫാൻസിനെ തന്നെ നിരോധിക്കണമെന്ന് വിനായകൻ പറയുന്നു. ഈ ഫാൻസിനെ ചുമന്നു കൊണ്ട് നടക്കുന്നത് ഞാനല്ല. അങ്ങനെ ഈ ഫാൻസിനെ ചുമക്കുന്നത് ഞാൻ ആയി തോന്നിയാൽ എന്നെ നിരോധിക്കൂ, ഞാൻ ഇല്ലെങ്കിൽ ഫാൻസും ഇല്ല എന്നും വിനായകൻ പറയുന്നു.