മറിമായത്തിലെ ലോലിതനും മണ്ഡോദരിയും ഇനി ജീവിതത്തിലും ഒന്നിച്ച്; വിവാഹ വിശേഷങ്ങൾ ഇങ്ങനെ..!!

മിനി സ്ക്രീൻ താരങ്ങളായ എസ് പി ശ്രീകുമാറും സ്നേഹ ശ്രീകുമാറും ഇനി ജീവിതത്തിലും ഒരുമിച്ചായിരിക്കും. മഴവിൽ മനോരമയിലെ സൂപ്പർ ഹിറ്റ് ആക്ഷേപഹാസ്യ പരമ്പരയായ മറിമായത്തിൽ ലോലിതൻ ആയും മണ്ഡോദരിയായും വേഷങ്ങൾ ചെയ്യുന്ന ഇരുവരും ഡിസംബർ 11 നു ആണ് തൃപ്പൂണിത്തുറയിൽ വെച്ച് വിവാഹിതർ ആകുന്നത്.

കഥകളിയും ഓട്ടൻതുള്ളലും അഭ്യസിച്ചിട്ടുള്ള സ്നേഹ അമേച്വർ നാടകങ്ങളിലൂടെയാണ് അഭിനയ രംഗത്തേക്കെത്തുന്നത്. മറിമായത്തിലൂടെയാണ് കൂടുതൽ പ്രേക്ഷക ശ്രദ്ധ നേടിയത്. നിരവധി സിനിമകളിലും വേഷമിട്ടിട്ടുണ്ട്. മറിമായത്തിലൂടെ നിരവധി അംഗീകാരങ്ങൾ ശ്രീകുമാറിനെ തേടിവന്നിട്ടുണ്ട്. 25 ഓളം സിനിമകളിലും ശ്രീകുമാർ അഭിനയിച്ചിട്ടുണ്ട്.

മെമ്മറീസ് എന്ന പൃഥ്വിരാജിന്റെ സൂപ്പർഹിറ്റ് ചിത്രത്തിൽ ശക്തമായ വില്ലൻ വേഷം അവതരിപ്പിച്ചു കയ്യടിനേടി. നാടകങ്ങളിലും സ്ഥിരം സാന്നിധ്യമായിരുന്നു ശ്രീകുമാർ. വിവാഹത്തെ കുറിച്ച് ഔദ്യോഗിക വിവരങ്ങൾ ഒന്നും ഇരുവരും പുറത്തു വിട്ടില്ല എങ്കിൽ കൂടിയും താരം പങ്കുവെച്ച ഒരു പഴയ സീരിയൽ എപ്പിസോഡ് ഫോൺ സംഭാഷണം ആണ് സൂചനകൾ നൽകിയത്.