മമ്മൂട്ടിയുടെ മത്സരം മോഹൻലാലിനോടോ സൽമാനോടോ ഷാരൂഖിനോടോ അല്ല; ഹോളിവുഡ് ഹീറോ ടോം ക്രോസിനോട് ഹരിഹരന്റെ വാക്കുകൾ ഇങ്ങനെ..!!

ഇനി മലയാള സിനിമ കാത്തിരിക്കുന്ന ചിത്രം മമ്മൂട്ടിയെ നായകനാക്കി എം പത്മകുമാർ സംവിധാനം ചെയ്യുന്ന മാമാങ്കം ആണ്. നവംബർ 21 നു ലോകമെമ്പാടും റിലീസ് ചെയ്യുന്ന ചിത്രത്തിന്റെ വാർണ്ണാഭമായ ഓഡിയോ ലോഞ്ച് കഴിഞ്ഞ ദിവസം കൊച്ചിയിൽ വെച്ചാണ് നടന്നത്.

വമ്പൻ താരങ്ങൾ എത്തിയ ചടങ്ങിൽ മമ്മൂട്ടി, ഉണ്ണി മുകുന്ദൻ, എന്നിവർക്ക് പുറമെ ടോവിനോ തോമസ്, സംയുക്ത മേനോൻ, പ്രശസ്ത സംവിധായകൻ ഹരിഹരൻ എന്നിവർ ആണ് പ്രധാന അതിഥികൾ ആയി എത്തിയത്. മലയാള സിനിമ എന്നും ആഘോഷം ആക്കുന്ന ഒരു വടക്കൻ വീരഗാഥ ഒരുങ്ങിയത് മമ്മൂട്ടി ഹരിഹരൻ കോമ്പിനേഷനിൽ ആയിരുന്നു.

ഈ ചിത്രത്തിൽ സഹ സംവിധായകൻ ആയി ആയിരുന്നു പത്മകുമാറിന്റെ സിനിമ ജീവിതത്തിന്റെ തുടക്കം. വീണ്ടും ഒരു ചരിത്ര കഥ സിനിമ ആകുമ്പോൾ മലയാള സിനിമ മുഴുവൻ ആവേശത്തിൽ ആണ്.

ശക്തമായ പ്രേമേയങ്ങൾ കൊണ്ട് ലോകത്തെ ഏത് വലിയ ഇന്ടസ്ട്രിയോടും മത്സരിക്കാൻ ഉള്ള കഴിവ് മലയാള സിനിമക്ക് ഉണ്ട് എന്നാണ് ഹരിഹരൻ പറയുന്നത്. ഇത്തരത്തിൽ പ്രമേയമുള്ള ചിത്രങ്ങളുമായി മമ്മൂട്ടി എത്തുമ്പോൾ മത്സരിക്കുന്നത് മലയാള സിനിമയിലെ സൂപ്പർ താരങ്ങളോടോ ബോളിവുഡ് താരങ്ങളായ ഷാരുഖ് ഖാനോടൊ സൽമാൻ ഖാനോടൊ അല്ല എന്നും മമ്മൂട്ടിയുടെ മത്സരം ഹോളിവുഡ് ഹീറോ ടോം ക്രൂസിനോട് ആണ് എന്നും ഹരിഹരൻ പറയുന്നു.

ചിത്രത്തിന്റെ ആദ്യ വീഡിയോ ഗാനവും കഴിഞ്ഞ ദിവസത്തെ ഓഡിയോ ലോഞ്ചിന് ശേഷം പുറത്തിറങ്ങി. വമ്പൻ സ്വീകരണമാണ് ഗാനത്തിന് സാമൂഹിക മാധ്യമത്തിൽ ലഭിച്ചത്.