മികച്ച ഗെയിമർ മണികുട്ടനോ ടിമ്പലോ അല്ല; ഫിനാലെ വേദിയിൽ അവാർഡ് പ്രഖ്യാപിച്ചു മോഹൻലാൽ..!!

അങ്ങനെ കാത്തിരിപ്പിന് ഒടുവിൽ ബിഗ് ബോസ് സീസൺ 3 മലയാളം അവാർഡ് പ്രഖ്യാപനം നടന്നു. നേരത്തെ നടന്ന അവാർഡ് നിശ ഇന്ന് ആണ് ഏഷ്യാനെറ്റ് സംപ്രേഷണം ചെയ്തത്. ബിഗ് ബോസ് പ്രേമികൾ കാത്തിരുന്ന ദിവസം തന്നെ ആയിരുന്നു ഇത്.

ബിഗ് ബോസ് സീസൺ 2 പോലെ തന്നെ 3 യും പൂർണമാക്കാൻ കഴിയാതെ പോയിരുന്നു. കൊറോണ കാരണം 95 ആം ദിവസം ആണ് അവസാനിച്ചത്. എന്നാൽ പിന്നീട് വോട്ടിങ്ങിൽ കൂടി അവസാന റൗണ്ടിൽ എത്തിയ 8 പേരിൽ നിന്നും വോട്ടിങ്ങിൽ കൂടി 5 പേരെ തിരഞ്ഞെടുക്കാൻ തീരുമാനിക്കുക ആയിരുന്നു. ആദ്യ 5 ൽ വന്നത്.

റംസാൻ , സായി വിഷ്ണു , ടിമ്പൽ , അനൂപ് , മണിക്കുട്ടൻ എന്നിവർ ആണ്. അഞ്ചാം സ്ഥാനത്തിൽ എത്തിയത് അനൂപ് ആണ്. തുടക്കത്തിലേ ഫൈനലില്‍ എത്തിയ മത്സരാര്‍ഥികള്‍ക്ക് അവാര്‍ഡ് നല്‍കിയിരുന്നു. ഈ സീസണിലെ മികച്ച ഗെയിമറായി തിരഞ്ഞെടുക്കപ്പെട്ടത് അനൂപാണ്. ശേഷം മികച്ച എന്റർടെയിനർക്കുള്ള അംഗീകാരം മണിക്കുട്ടനാണ്. സമാധാനത്തിനുള്ള പുരസ്‌കാരം നോബിയ്ക്ക് ലഭിച്ചു.

ഏറ്റവും കൂടുതൽ എനർജിയുണ്ടായിരുന്ന മത്സരാർത്ഥി റംസാൻ ആണ്. സ്വപ്‌നങ്ങൾ സാക്ഷാൽക്കരിച്ച താരമായി സായി വിഷ്ണുവിന് അംഗീകാരം ലഭിച്ചു. ഏറ്റവും എനര്ജിയുള്ള മത്സരാർത്ഥിയെന്നാണ് മോഹൻലാൽ അടയാളപ്പെടുത്തിയത് ഡിംപലായിരുന്നു. മൈൻഡ് റീഡർക്കുള്ള അംഗീകാരമാണ് കിടിലം ഫിറോസിന് ലഭിച്ചത്.

എല്ലാവരുടെയും മനസ് അറിയാൻ സാധിക്കുമോ എന്ന് ചോദിച്ച് മോഹൻലാൽ ഫിറോസിനൊരു ടാസ്‌കും നൽകിയിരുന്നു. തന്റെ മനസിൽ ഇപ്പോഴുള്ള കാര്യം എന്താണെന്ന് അറിയാമോ എന്നായിരുന്നു ചോദ്യം. ലാലേട്ടൻ ടൈറ്റിൽ വിന്നർ ആരാണെന്ന് പ്രഖ്യാപിക്കുന്നതിന്റെ ടെന്ഷനിൽ ആയിരിക്കുമെന്നാണ് ഫിറോസ് പ്രവചിച്ചത്. എന്നാൽ ആ ടെൻഷൻ ഇല്ലാത്തതാണ് തന്റെ മനസിലെന്ന് മോഹൻലാൽ തിരിച്ച് പറഞ്ഞു. നാലാം സ്ഥാനത്തേക്ക് എത്തിയത് റംസാൻ ആണ്. മൂന്നാം സ്ഥാനത്തിൽ എത്തിയത് ടിമ്പൽ ബാൽ ആണ്.