സ്ത്രീകളെയും കുട്ടികളെയും മോശമായി കാണിക്കുന്നു; മികച്ച സീരിയലിനുള്ള അവാർഡുകൾ കൊടുക്കില്ലെന്ന് ജൂറി..!!

29 മത് സംസ്ഥാന ടെലിവിഷൻ അവാർഡുകളിൽ നിന്നും മികച്ച ആദ്യത്തെയും രണ്ടാമത്തെയും സീരിയലുകൾക്ക് ഉള്ള അവാർഡ് കൊടുക്കില്ല എന്ന് ജൂറി തീരുമാനം.

വീടുകളിൽ കുടുംബം മുഴുവൻ ഒന്നിച്ചിരുന്നു കാണുന്ന സീരിയൽ സ്ത്രീകൾക്കും കുട്ടികൾക്കും എതിരെ ഉള്ളതും അവരെ മോശമായി കാണിക്കുന്നതുമാണ്. ഇതിൽ കടുത്ത ആശങ്കയുണ്ട്.

ഒരു കുടുംബ മാധ്യമം എന്ന നിലയിൽ ടെലിവിഷൻ പരമ്പരകളിലും കോമഡി പരിപാടികളിലും ഉത്തരവാദിത്വ ബോധം വളർന്നമെന്ന് എൻട്രികൾ വിലയിരുത്തി ജൂറി അഭിപ്രായപ്പെട്ടു. സംവിധായകൻ ആർ ശരത്തിന്റെ നേതൃത്വത്തിൽ ഉള്ള ജൂറി വിഭാഗം അവാർഡ് നിശ്ചയിച്ചത്.

എഴുത്തുകാരനും തിരക്കഥാകൃത്തുമായ എസ്.ഹരീഷ്, നടി ലെന കുമാർ, സംവിധായകനും തിരക്കഥാകൃത്തുമായ സുരേഷ് പൊതുവാൾ, സംവിധായകൻ ജിത്തു കോളയാട് എന്നിവരായിരുന്നു ജൂറി അംഗങ്ങൾ.

ചലച്ചിത്ര അക്കാദമി സെക്രട്ടറി സി.അജോയും അംഗമായിരുന്നു. 2020 ലെ കേരള സംസ്ഥാന ടെലിവിഷൻ അവാർഡ് നിര്ണായതിനായി കഥ വിഭാഗത്തിൽ ആകെ 39 എൻട്രികളാണ് ഉണ്ടായിയുന്നത്.

സീരിയൽ വിഭാഗത്തിൽ 6 ഉം ടെലിഫിലിം വിഭാഗത്തിൽ 14 ഉം ടി.വി.ഷോ എന്റർടൈന്മെന്റ് വിഭാഗത്തിൽ 11 ഉം കോമഡി പ്രോഗ്രാം വിഭാഗത്തിൽ 8 ഉം എൻട്രികൾ ലഭിച്ചിരുന്നു. കുട്ടികൾ സജീവമായി കാണുന്ന മാധ്യമമായിരുന്നിട്ടുപോലും കുട്ടികൾക്ക് വേണ്ടിയുള്ള ഹ്രസ്വചിത്ര വിഭാഗത്തിൽ എൻട്രികൾ സമർപ്പിക്കപ്പെട്ടില്ല എന്നത് ഖേദകരമാണ്.

ജൂറിയുടെ മുന്നിലെത്തിയ എന്ററികളിൽ ഭൂരിഭാഗവും അവാർഡിന്റെ ഉദ്ദേശ്യലക്ഷ്യങ്ങൾ ഒന്നും തന്നെ മണിക്കുന്നതല്ല. അതുകൊണ്ടുതന്നെ മികച്ച സീരിയൽ, മികച്ച രണ്ടാമത്തെ സീരിയൽ, മികച്ച സംവിധായകൻ, മികച്ച കലാസംവിധായകൻ എന്നീ വിഭാഗങ്ങളിൽ ഈ വർഷം അവാർഡ് നൽകാൻ സാധിച്ചിട്ടില്ല.