കൊറോണ ബാധിച്ചു മോഹൻലാൽ മരിച്ചു എന്ന് പ്രചാരണം; നടപടിക്ക് ഒരുങ്ങി പോലീസ്..!!

മലയാളത്തിന്റെ പ്രിയ നടൻ മോഹൻലാൽ കൊറോണ ബാധിച്ചു മരിച്ചു എന്ന് വ്യാജ വാർത്ത നൽകിയ ആൾക്കെതിരെ പോലീസ് നടപടിക്ക് ഒരുങ്ങുന്നു. മോഹൻലാൽ അഭിനയിച്ച ചിത്രത്തിന്റെ ഫോട്ടോ വെച്ചാണ് സമീർ എന്ന ആൾ ഫേസ്ബുക്കിലും അതുപോലെ വാട്സ്ആപ്പിലും മോഹൻലാൽ കൊറോണ ബാധിച്ചു മരിച്ചു എന്നുള്ള പ്രചാരണം നടത്തിയത്.

മോഹൻലാൽ ആരാധകർക്ക് ഇടയിൽ സംഭവത്തെ കുറിച്ച് വമ്പൻ പ്രതിഷേധം ആണ് ഉയർന്നത്. കൊറോണയുമായി ബന്ധപെട്ടു വ്യാജ വാർത്തകൾ നൽകുന്നവർക്ക് എതിരെ കടുത്ത നിയമ നടപടികൾ ഉണ്ടാവും എന്ന് മുഖ്യമന്ത്രി നേരത്തെ അറിയിച്ചിരുന്നു. ഈ വിഷയവും ആയി സംബന്ധിച്ച് പരാതി നൽകി എന്നാണ് മോഹൻലാലിനോട് അടുത്ത വൃത്തങ്ങൾ സൂചിക്കുന്നത്.

അതെ സമയം ഇയാൾക്ക് എതിരെ കർശന നടപടി ഉണ്ടാകണം എന്ന ആവശ്യവുമായി ഓൾ കേരളം മോഹൻലാൽ ഫാൻസ്‌ ജനറൽ സെക്രട്ടറി വിമൽ കുമാർ സോഷ്യൽ മീഡിയ പോസ്റ്റിൽ കൂടി അറിയിച്ചു. വിമൽ കുമാർ സോഷ്യൽ മീഡിയയിൽ കുറിച്ചത് ഇങ്ങനെ..

ഇയാളുടെ പേര്‌ സമീർ. മലയാള സിനിമയിലെ പ്രിയ നടന്‍ മോഹന്‍ലാല്‍ ഷൂട്ടിംഗുമായി ബന്ധപ്പെട്ട് മരിച്ച് കിടക്കുന്ന ഫോട്ടോ ഉള്‍പ്പെടുത്തി ‘തിരുവനന്തപുരം സ്വദേശി മോഹന്‍ലാല്‍ കോറോണ ബാധിച്ച് മരിച്ചു’ എന്ന വ്യാജ വാർത്ത പ്രചരിപ്പിച്ചത് ഇയാൾ ആണ്‌. വ്യാജവാര്‍ത്ത പ്രചരിപ്പിക്കുന്നവര്‍ക്ക് എതിരെ കര്‍ശന നടപടി സ്വീകരിക്കുമെന്ന് ബഹു. മുഖ്യമന്ത്രി പറഞ്ഞ ഈ അവസരത്തില്‍ ഇയാള്‍ക്ക് എതിരെ വേണ്ട നടപടികള്‍ അധികാരികള്‍ സ്വീകരിക്കണമെന്ന് അപേക്ഷിക്കുന്നു.