അന്യമതത്തിൽ നിന്നും വിവാഹം ചെയ്ത ആദിലിന് വിമർശനം; മുസ്ലിമായ തന്നെ ആക്രമിക്കുന്നതിന് മറുപടിയുമായി ആദിൽ..!!

കഴിഞ്ഞ ദിവസം ആയിരുന്നു നടനും അവതാരകനുമായ ആദിൽ വിവാഹിതൻ ആകുന്നത്. മുസ്ലിം ആയ ആദിൽ വിവാഹം കഴിച്ചത് തൃശൂർ സ്വദേശിനിയായ നമിത എന്ന പെൺകുട്ടിയെ ആയിരുന്നു.

എന്നാൽ അന്യ മതത്തിൽ ഉള്ള പെൺകുട്ടിയെ വിവാഹം ചെയ്തതിന് വലിയ തോതിൽ ഉള്ള വിമർശനം ആണ് ആദിലിന് സാമൂഹിക മാധ്യമങ്ങളിൽ നിന്നും ലഭിച്ചത്. ഇൻസ്റ്റാഗ്രാമിൽ അടക്കം ആദിലിനെ ഒറ്റ പെടുത്തണം എന്നും അൺ ഫോളോ ചെയ്യണം എന്നും ഉള്ള കമന്റുകളും ക്യാമ്പയ്‌ഗൻ വരെ നടന്നു.

ആദ്യം ഇത്തരത്തിൽ ഉള്ള വിമർശനങ്ങൾക്ക് മുന്നിൽ മൗനം പാളിച്ച താരം പിന്നീട് മറുപടി നൽകുകയായിരുന്നു.

എന്നെയും തന്റെ വീട്ടുകാരെയും ഭാര്യയെക്കുറിച്ചും വളരെ നെഗറ്റീവായ കമന്റുകള്‍ കാണാനിടയായി. ആദ്യം ഇത്തരം മോശം വ്യക്തികളോട് പ്രതികരിക്കണ്ടെന്നാണ് ഞാന്‍ കരുതിയത്. ഞാന്‍ ആരെ വിവാഹം ചെയ്യണം എന്നത് എന്റെ മാത്രം തീരുമാനമാണ്. ക്ഷമിക്കണം ഞാന്‍ ആളുകളെ മനുഷ്യരായി മാത്രമേ കാണാറുള്ളു. അതുകൊണ്ടുതന്നെ രണ്ടു മനുഷ്യര്‍ തമ്മിലുള്ള വിവാഹമാണിത്. ഞാന്‍ ഒരു മുസ്ലീം ആയതുകൊണ്ട് ആരെങ്കിലും എന്നെ ഇഷ്ടപ്പെടണമെന്നോ ഫോളോ ചെയ്യണമെന്നോ എനിക്കില്ല.

അതുകൊണ്ട് ഞാന്‍ എന്താണോ അതിനെ സ്‌നേഹിക്കുന്ന ഒരു യഥാര്‍ഥ മനുഷ്യന്‍ ആണെങ്കില്‍ മാത്രം തുടര്‍ന്നും എന്നെ ഫോളോ ചെയ്താല്‍ മതി. അല്ലെങ്കില്‍ ഇവരെപ്പോലെ നിങ്ങള്‍ക്കും അണ്‍ഫോളോ ചെയ്യാം. എന്റെ വിശ്വാസം എന്താണെന്ന് തീരുമാനിക്കാന്‍ ദൈവത്തിനല്ലാതെ മറ്റാര്‍ക്കും അവകാശമില്ല. ആദില്‍ കുറിച്ചു.