ഗായിക അമൃത സുരേഷിന്റെ പിതാവും ഓടക്കുഴൽ കലാകാരനുമായ പി ആർ സുരേഷ് അന്തരിച്ചു..!!

പ്രശസ്ത ഓടക്കുഴൽ കലാകാരനും ഗായികമാരായ അമൃത സുരേഷിന്റെയും അഭിരാമി സുരേഷിന്റെയും പിതാവ് കൂടി ആയ പി ആർ സുരേഷ് അന്തരിച്ചു. സ്ട്രോക്ക് ആയതിനെ തുടർന്ന് കൊച്ചിയിൽ സ്വകാര്യ ആശുപത്രിയിൽ ചികിത്സയിൽ ആയിരുന്നു.

ഗായികയും മകളുമായ അമൃത തന്നെ ആയിരുന്നു പിതാവിന്റെ മരണ വിവരം സാമൂഹിക മാധ്യമത്തിൽ കൂടി അറിയിച്ചത്. പൊന്നച്ചൻ ഇനി ഭഗവാന്റെ കൂടെ എന്നായിരുന്നു അമൃത കുടുംബ സമേതമുള്ള ചിത്രത്തിനൊപ്പം കുറിച്ചത്. ചൊവ്വാഴ്ച വൈകിട്ടടെ ആയിരുന്നു വിയോഗം.

ബുധനാഴ്ച രാവിലെ പതിനൊന്നു മണി വരെ സ്വന്തം വസതിയിൽ പൊതു ദർശനതിന് വെച്ച ശേഷം ആയിരിക്കും പച്ചാളം സ്മശാനത്തിൽ സംസ്കരിക്കുക. അച്ഛന്റെയും അമ്മയുടെയും പ്രണയ വിവാഹം ആയിരുന്നു എന്നാണ് അമൃത ഒരിക്കൽ പറഞ്ഞത്. അച്ഛന്റെ പുല്ലാംകുഴലിൽ അമ്മ വീണു പോകുക ആയിരുന്നു.

ജാതി മതത്തിനും അപ്പുറം ഹിന്ദു ആയ സുരേഷ് ക്രൈസ്തവ കുടുംബത്തിൽ ഉള്ള ലൈലയെ വിവാഹം കഴിക്കുന്നത്. മക്കൾക്ക് എല്ലാ സ്വാതന്ത്രങ്ങൾ കൊടുക്കുകയും അതിനൊപ്പം അവരുടെ ഉയർച്ചയിലും വീഴ്ചയിലും കൂടെ നിന്ന പിതാവ് ഇനിയില്ല.