ആദ്യ ഭാര്യയെയും മക്കളെയും കൈവിടാതെ ബാബുരാജ്; മകന്റെ വിവാഹ നിശ്ചയം ഗംഭീരമാക്കാൻ ബാബുരാജ് ചെയ്തത്..!!

വൈവിധ്യമേറിയ ഒട്ടേറെ കഥാപാത്രങ്ങളിൽ കൂടി മലയാള സിനിമയിൽ പ്രേക്ഷകർക്ക് പ്രിയ താരമായി മാറിയ ആളാണ് ബാബുരാജ്. ഒരു നടൻ എന്നതിൽ ഉപരിയായി നിർമാതാവ്, സംവിധായകൻ എന്നി നിലകളിൽ എല്ലാം തന്റെ കഴിവ് തെളിയിച്ചിട്ടുള്ള താരമാണ് ബാബുരാജ്.

മലയാളത്തിൽ ആണ് താരം കൂടുതൽ ശ്രദ്ധ നേടിയിട്ടുള്ളത് എങ്കിൽ കൂടിയും തമിഴിലും തെലുങ്കിലും ഹിന്ദിയിലും അടക്കം താരം അഭിനയിച്ചിട്ടുണ്ട്. ഇപ്പോൾ താരത്തിന്റെ മകന്റെ വിവാഹ നിശ്ചയ ചിത്രങ്ങൾ ആണ് സോഷ്യൽ മീഡിയയിൽ വൈറൽ ആകുന്നത്. ബാബുരാജിന്റെ മകൻ അഭയ് ബാബുരാജിന്റെ വിവാഹ നിശ്ചയം ആയിരുന്നു ശനിയാഴ്ച. ഗ്ലാഡിസ് ആയിരുന്നു വധു.

അടുത്ത ബന്ധുക്കളും സുഹൃത്തുക്കളും ഉണ്ടായിരുന്നു വിവാഹ നിശ്ചയ ചടങ്ങിൽ. ബാബുരാജ് രണ്ടു വിവാഹങ്ങൾ ആണ് കഴിച്ചിട്ടുള്ളത്. ഇതിൽ ആദ്യ ഭാര്യയിൽ ഉള്ള മകൻ ആണ് അഭയ്. എന്നാൽ കൂടിയും വിവാഹ നിശ്ചയ ചടങ്ങിൽ പൂർണ്ണമായും ഒരു അച്ഛന്റെ സ്ഥാനത്തിൽ നിന്നും എല്ലാം ചെയ്യാൻ ബാബുരാജ് ഉണ്ടായിരുന്നു. ആദ്യ ഭാര്യയിൽ ബാബുരാജിന് രണ്ടുമക്കൾ ആണുള്ളത്. അഭയ്, അക്ഷയ് എന്നിങ്ങനെയാണ് അവരുടെ പേരുകൾ.

ആദ്യ ഭാര്യയിൽ നിന്നും വിവാഹ ബന്ധം വേർപെടുത്തിയ ബാബുരാജ് വിവാഹം കഴിച്ചത് നടി വാണി വിശ്വനാഥിനെ ആയിരുന്നു. ആ ബന്ധത്തിലും ആർച്ച, ആരോമൽ എന്നിവർ ആണ് മക്കൾ ആയി ഉള്ളത്. രണ്ടു വിവാഹങ്ങൾ കഴിച്ചിട്ടുണ്ടെങ്കിൽ കൂടിയും ബാബുരാജ് ആദ്യ ഭാര്യയെയും മക്കളെയും കുറിച്ചും പൊതുഇടങ്ങളിൽ ഒന്നുംതന്നെ പ്രതികരണങ്ങൾ നടത്തിയിരുന്നില്ല. എന്നാൽ ഇപ്പോൾ മകന്റെ വിവാഹത്തിന് എത്തിയതോടെ ആണ് സംഭവം വൈറൽ ആകുന്നത്.