ഇനി സാമൂഹിക മാധ്യമങ്ങളിലേക്ക് ഇല്ല; ജോജു ജോർജ്ജ് അക്കൗണ്ടുകൾ സ്വയം നീക്കം ചെയ്തു..!!
കഴിഞ്ഞ ദിവസം ഉണ്ടായ വിവാദങ്ങളെ തുടർന്ന് ജോജു ജോർജ്ജ് തന്റെ സോഷ്യൽ മീഡിയ അക്കൗണ്ടുകൾ താൽകാലികമായി നീക്കം ചെയ്തു.
നേരത്തെ കോൺഗ്രസ് പാർട്ടിയുമായി ഉണ്ടായ വിവാദങ്ങളെ തുടർന്ന് ജോജുവിന്റെ അക്കൗണ്ട് ഹാക്ക് ചെയ്തു എന്ന തരത്തിൽ വാർത്തകൾ എത്തിയിരുന്നു.
എന്നാൽ സ്വയം അക്കൗണ്ട് ഒഴുവാക്കിയതാണ് എന്ന് മാധ്യമങ്ങളിൽ കൂടി ജോജു അറിയിക്കുക ആയിരുന്നു.
സോഷ്യൽ മീഡിയ അക്കൗണ്ടുകൾ തൽക്കാലം വേണ്ട എന്നാണ് തീരുമാനം എന്നും തനിക്ക് ജനങ്ങളുടെ സ്നേഹം ഉണ്ടെന്നും സോഷ്യൽ മീഡിയ ഇല്ലെങ്കിൽ കൂടിയും അതിൽ കുറവ് ഒന്നും ഉണ്ടാവില്ല എന്നും ജോജു അറിയിച്ചു.
ഇൻസ്റ്റാഗ്രാം ഫേസ്ബുക് അക്കൗണ്ടുകൾ ആണ് നീക്കം ചെയ്തത്. തിങ്കളാഴ്ച കോൺഗ്രസ്സ് നടത്തിയ ദേശിയ പാത ഉപരോധത്തിൽ പ്രതിഷേധം നടത്തിയ ജോജുവിന്റെ കാര് സമരാനുകൂലികൾ എറിഞ്ഞു തകർത്തിരുന്നു.
കൂടാതെ ജോജുവിന്റെ പരാതിയിൽ നിരവധി കോൺഗ്രസ്സ് നേതാക്കൾക്ക് എതിരെ ജാമ്യമില്ലാ വാറണ്ടിൽ കേസ് എടുത്തിട്ടുണ്ട്. ഇന്ധന വില വർധനവിന് എതിരെയാണ് കഴിഞ്ഞ ദിവസം നടന്ന പ്രതിഷേധം.