പ്രിയ അഭിനയത്രി കോഴിക്കോട് ശാരദ അന്തരിച്ചു; ആദരാജ്ഞലികൾ നേർന്ന് താരങ്ങൾ..!!

മലയാളത്തിലെ മറ്റൊരു പ്രിയ നടികൂടി അന്തരിച്ചു. ഏറെകാലമായി ചികിത്സയിൽ ആയിരുന്ന കോഴിക്കോട് ശാരദയാണ് അന്തരിച്ചത്. എഴുപത്തിയഞ്ചാം വയസിൽ ആയിരുന്നു താരത്തിന്റെ വിയോഗം.

കോഴിക്കോട് മെഡിക്കൽ കോളേജ് ആശുപത്രിയിൽ റിട്ടയേർഡ് നേഴ്സിംഗ് അസിസ്റ്റന്റ് ആയിരുന്നു ശാരദ. 1979 ൽ അങ്കക്കുറി എന്ന ചിത്രത്തിൽ കൂടി ആണ് ശാരദ അഭിനയ ലോകത്തിലെക്ക് എത്തുന്നത്. തുടർന്ന് നിരവധി ചിത്രങ്ങളിൽ ചെറുതും വലുതുമായ വേഷങ്ങൾ ചെയ്തു.

ദിലീപ് മഞ്ജു വാര്യർ മനോജ് കെ ജയൻ എന്നിവർ പ്രധാന വേഷത്തിൽ എത്തിയ സല്ലാപം എന്ന ചിത്രത്തിൽ മനോജ് കെ ജയന്റെ അമ്മവേഷം ഏറെ ശ്രദ്ധ നേടിക്കൊടുത്തു. മോഹൻലാലിനൊപ്പം കിളിച്ചുണ്ടൻ മാമ്പഴം , മമ്മൂട്ടിക്ക് ഒപ്പം കുട്ടിസ്രാങ്ക് എന്നി ചിത്രങ്ങളിൽ അഭിനയിച്ചിട്ടുണ്ട്.