ലിസിയുമായുള്ള വേർപിരിയലിനു പിന്നിൽ ഒരേയൊരു കാരണം മാത്രം; പ്രിയദർശൻ തുറന്നു പറയുന്നു..!!
തന്റെ ഭാര്യയായിരുന്ന ലിസിയുമായി ഒരു പിണക്കവുമില്ലെന്നും തന്റെ എല്ലാ വിജയത്തിന്റെ കാരണവും ലിസിയാണെന്നും പ്രിയന്‍ പറഞ്ഞു. ലിസിയുമായി വേര്‍പിരിയാന്‍ ഉണ്ടായത് ഒരേയൊരു കാരണം കൊണ്ടാണെന്ന് പ്രിയദര്‍ശന്‍ പറയുന്നു.
ഗൃഹലക്ഷമിയ്ക്ക് നല്‍കിയ ഇന്റര്‍വ്യൂവിലാണ് ദാമ്പത്യം വേര്‍പരിഞ്ഞതിന്റെ കാരണം പ്രിയന്‍ വെളിപ്പെടുത്തിയത്. ഭാര്യ ലിസിയുമായുള്ള പ്രശ്‌നങ്ങള്‍ക്ക് കാരണം ഈഗോ മാത്രമാണെന്നും ഈഗോ എന്ന ഒറ്റ കാരണമാണ് വിവാഹ ബന്ധം വേര്‍പിരിയാന്‍ ഇടയാക്കിയതെന്നും പ്രിയന്‍ വ്യക്തമാക്കി.
‘ഞാനൊരു കണ്‍സര്‍വേറ്റീവ് കുടുംബത്തില്‍ ജനിച്ചു വളര്‍ന്നതാണ്. പുരുഷന്റെ മനസിലെ ഭാര്യ എന്നു പറയുന്നത് മിക്കവാറും അമ്മയാവും മാതൃക. പക്ഷെ കല്യാണം കഴിക്കുമ്പോള്‍ അമ്മയില്‍ കണ്ടിട്ടുള്ള ഒരിക്കലും ഭാര്യയില്‍ പ്രതീക്ഷിക്കരുത്. ഇത്രയും വര്‍ഷം ഞാന്‍ ലിസിയുമൊത്ത് ജീവിച്ചത് സ്വര്‍ഗത്തില്‍ തന്നെയാണ്. ഇപ്പോള്‍ ഞങ്ങള്‍ തമ്മില്‍ പിരിഞ്ഞു. എങ്കിലും എന്റെ വീടിന്റെ മുന്‍പിലെ ‘പ്രിയദര്‍ശന്‍ ലിസി’ എന്ന ബോര്‍ഡ് ഞാന്‍ മാറ്റിയിട്ടില്ല.
എനിക്കറിയാം എന്തൊക്കെ പ്രശ്‌നങ്ങള്‍ ഉണ്ടെങ്കിലും അവള്‍ക്ക് എന്നോടുള്ള ബഹുമാനവും. എനിക്ക് അവളോടുള്ള ബഹുമാനവും നഷ്ടപ്പെട്ടിട്ടില്ല. വേര്‍പരിയില്‍ ഈഗോയുടെ മാത്രം പ്രശ്‌നമാണ്’ പ്രിയന്‍ പറഞ്ഞു.