എന്തിനും കൂടെയുള്ള സുഹൃത്തുക്കൾ; സംയുക്തക്കും ഗീതുവിനൊപ്പമുള്ള ചിത്രവുമായി മഞ്ജു വാരിയർ..!!

മലയാളത്തിൽ എന്നും ഓർക്കുന്ന സിനിമകൾ സമ്മാനിച്ച നായികമാരാണ് മഞ്ജു വാര്യരും സംയുക്ത മേനോനും ഗീതു മോഹൻദാസും. ചില സൗഹൃദങ്ങൾ എന്നും നിലനിൽക്കുന്നതുമാണ്. മഞ്ജുവിന്റെ ജീവിതത്തിൽ ഉയർച്ച താഴ്ചകളിൽ എന്നും കൂട്ടായി ഇവരൊക്കെയുണ്ട് താനും.

കാരണം പലപ്പോഴും മഞ്ജു അത് തുറന്നു പറഞ്ഞിട്ടും ഉണ്ട്. തനിക്കു ഒരു പ്രശ്നം വന്നാൽ അതിൽ തനിക്കൊപ്പം നിൽക്കാൻ എന്നും ഉണ്ടാകുന്ന അഞ്ചുപേരിൽ ഒരാൾ പൂർണ്ണിമ ഇന്ദ്രജിത് ആയിരിക്കും എന്ന് മഞ്ജു ഈ അടുത്ത് പറഞ്ഞിരുന്നു.

എന്നാൽ അതിൽ ബാക്കി രണ്ടുപേർ ദേ ഇവർ ആയിരിക്കും. സംയുക്തയും ഗീതു മോഹൻദാസും. ഒന്നുമുതൽ പൂജ്യം വരെ എന്ന ചിത്രത്തിൽ കൂടി 1986 ൽ ആണ് ഗീതു മോഹൻദാസ് അഭിനയ ലോകത്തിലേക്ക് എത്തുന്നത്. തുടർന്ന് നിരവധി ചിത്രങ്ങളിൽ താരം അഭിനയിച്ചിട്ടുണ്ട്.

തെങ്കാശിപ്പട്ടണം എന്ന ചിത്രത്തിൽ സംയുക്തക്ക് ഒപ്പം അഭിനയിച്ചിട്ടുണ്ട് ഗീതു. കൂടാതെ ലൈഫ് ഈസ് ബ്യൂട്ടിഫുൾ എന്ന ചിത്രത്തിലും. 2000 ൽ ആണ് ഈ ചിത്രങ്ങൾ എത്തിയത്. അന്ന് മുതൽ തുടങ്ങിയ സൗഹൃദമാണ് ഇരുവരും തമ്മിൽ ഉള്ളത്. മഞ്ജുവും അന്നുമുതൽ ഇരുവരുടെയും അടുത്ത സുഹൃത്ത് തന്നെ.

പരസ്പരം മനസുകൊണ്ട് അറിയുന്നവർ. സംയുക്തയും ഗീതു മോഹൻദാസും അഭിനയ ലോകത്തിൽ സജീവമല്ലെങ്കിൽ കൂടിയും മഞ്ജു ഇന്ന് മലയാളത്തിൽ ഏറ്റവും കൂടുതൽ ആരാധകരുള്ള നായികയാണ്. ലേഡി സൂപ്പർസ്റ്റാർ. ഗീതു മോഹൻദാസ് സംവിധാനത്തിലേക്ക് കടന്നപ്പോഴും യോഗയും മറ്റുമായി തിരക്കിലാണ് സംയുക്ത.

ഇപ്പോൾ ഒരേ നിറത്തിലുള്ള വസ്ത്രങ്ങൾ ഇട്ട് മഞ്ജുവും സംയുക്തയും ഒപ്പം ഗീതു മോഹൻദാസുമുള്ള ഫോട്ടോ ആണ് മഞ്ജു പങ്കു വെച്ചിരിക്കുന്നത്. എന്നുമുള്ള സൗഹൃദം.. എന്തും നേരിടാനുള്ള സൗഹൃദം എന്നായിരുന്നു മഞ്ജു ഫോട്ടോക്ക് തലക്കെട്ട് നൽകിയത്.