ഇന്ത്യയിൽ എത്തുംമുന്നേ സാംസങ് ഗാലക്സി ഫോൾഡ് 3 മോഹൻലാൽ സ്വന്തമാക്കി..!!

ഇന്ത്യയിൽ ഔദ്യോഗികമായി സാംസങ് ഗാലക്സി ഫോൾഡ് 3 എത്തുന്നത് ഈ മാസം പത്തിനാണ്. എന്നാൽ അതിനു മുന്നേ തന്നെ മലയാളത്തിന്റെ പ്രിയ നടൻ മോഹൻലാൽ സ്വന്തം ആക്കിയിരിക്കുകയാണ്.

എന്നാൽ ഇന്ത്യയിൽ പ്രീ ബുക്കിങ് നേരത്തെ തന്നെ തുടങ്ങിയിട്ടുണ്ട്. മടക്കാവുന്ന ഫോണുകൾ ഇറക്കുന്ന കാര്യത്തിൽ സാംസങ് മറ്റു കമ്പനികളേക്കാൾ എന്നും ഒരുപടി മുന്നിലാണ്.

സെഡ് ഫോൾഡ് 3 5 ജി, സെഡ് ഫ്‌ളിപ് 3 5ജി എന്നീ രണ്ടു മോഡലുകളാണ് രാജ്യാന്തര വിപണിയിൽ പുറത്തിറക്കിയത്.

ഫോൾഡ് 3 സീരീസിന്റെ വില തുടങ്ങുന്നത് 1800 ഡോളറിലാണെങ്കിൽ (ഏകദേശം 1.3 ലക്ഷം രൂപ) ഫ്ലിപ് സീരീസിന്റെ തുടക്ക വേരിയന്റ് 1000 ഡോളറിനാണ് വിൽക്കുന്നത്.

സ്നാപ്ഡ്രാഗൺ 888 പ്രൊസസർ , 12 ജിബി റാം , 512 ജിബി വരെ സ്റ്റോറേജ് , 4400 എംഎഎച്ച് ഡ്യൂവൽ ബാറ്ററി എന്നിവയാണ് ഫോൾഡ് 3 യുടെ പ്രധാന ഫീച്ചറുകൾ.