എന്തൊരു ക്യൂട്ട് ആണ്; നയൻസിനെ കാണാൻ വല്ലാത്തൊരു സൗന്ദര്യം; ഇനി നയൻസ് വിക്കിക്ക് സ്വന്തം..!!
ആഡംബര വിവാഹത്തിന് സാക്ഷിയായി ചെന്നൈ മഹാബലിപുരം. ഇന്ത്യൻ സിനിമ ലോകം കണ്ട ഏറ്റവും വലിയ വിവാഹം ആയിരുന്നു ഇന്ന് നടന്നത്.
ഏറെ കാലങ്ങൾ നീണ്ടു നിന്ന പ്രണയത്തിനും അതിന് ശേഷം ലിവിങ്ങ് ടുഗതർ ജീവിതത്തിൽ നിന്നും ഔദ്യോഗികമായി ഇപ്പോൾ നയനും വിഘ്‌നേശ് ശിവനും ഒന്നിച്ചിരിക്കുകയാണ്. മാധ്യമങ്ങൾക്ക് പ്രവേശനം ഇല്ലാതെ ആയിരുന്നു വിവാഹം.
ക്ഷണിക്കപ്പെട്ട അതിഥികൾ മാത്രം വന്ന വിവാഹത്തിൽ ഒട്ടേറെ സൂപ്പർ താരങ്ങൾ എത്തിയിരുന്നു. രജനികാന്ത് , വിജയ് സേതുപതി , ഷാരൂഖ് ഖാൻ , കമൽ ഹസൻ , സൂര്യ , ദിലീപ് , ആര്യ , കാർത്തി ഒപ്പം മുഖ്യമന്ത്രി എം കെ സ്റ്റാലിൻ എന്നിവരും ഹൈന്ദവ ആചാരങ്ങൾ പ്രകാരം നടന്ന വിവാഹത്തിൽ പങ്കെടുത്തു.
വിവാഹ ചടങ്ങുകളുടെ ചിത്രീകരണ പ്രദർശന അവകാശം നെറ്റ്ഫ്ലിക്സിനാണ്. ചലച്ചിത്ര സംവിധായകൻ ഗൗതം വാസുദേവ മേനോനാണു നെറ്റ്ഫ്ലിക്സിനായി വിവാഹ ചടങ്ങുകൾ സംവിധാനം ചെയ്യുന്നത്. വിവാഹ വേദിക്ക് പുറത്തു കനത്ത സുരക്ഷയാണ് ഒരുക്കിയിരിക്കുന്നത്.
വിജയ് സേതുപതി ശിവകാർത്തികേയൻ സാമന്ത ഉൾപ്പെടെയുള്ളവർ വിശിഷ്ടാതിഥികളായി പങ്കെടുക്കും. അതിഥികൾക്കു പോലും മൊബൈൽ ഫോണിൽ ചിത്രങ്ങൾ പകർത്തുന്നതിൽ വിലക്കുണ്ട്.
വരന്റെയും വധുവിന്റെയും ഫോട്ടോകൾ പതിപ്പിച്ച വാട്ടർ ബോട്ടിലുകൾ അതിഥികൾക്കായി ഒരുക്കിയിട്ടുണ്ട്. വിവാഹച്ചടങ്ങിൽ പങ്കെടുക്കുന്നവർക്ക് വിലയേറിയ സമ്മാനങ്ങളും തയാറാക്കിയിരുന്നു.