മോഹൻലാലിനെ തങ്ങളുടെ പക്ഷത്തേക്ക് അടുപ്പിക്കാൻ രാഷ്ട്രീയ കളികളാണ് നടക്കുന്നത്; മലയാളികൾ ഇത് മനസിലാക്കണം; കുറിപ്പ് ശ്രദ്ധ നേടുന്നു..!!

മോഹൻലാൽ കേരളത്തിലെ സമൂഹത്തിന് ഒഴിച്ചൂടാനാകാത്ത ഒരു ഘടകമായി മാറിയിട്ട് വർഷങ്ങൾ ആയി. ഓരോ ചിത്രങ്ങൾ വിജയങ്ങൾ ആയാലും പ്രണയങ്ങൾ ആയാലും മോഹൻലാൽ എന്ന നടനോടുള്ള ഇഷ്ടത്തിന് ഒരിക്കൽ പോലും കുറവ് വന്നിട്ടുമില്ല.

എന്നും സർക്കാർ പൊതുജനങ്ങളിലേക്ക് എത്തിക്കുന്ന വിഷയങ്ങളിൽ മോഹൻലാലിലൂടെ ആകാറുമുണ്ട്. മലയാളത്തിൽ ഏറ്റവും കൂടുതൽ പരസ്യ ചിത്രങ്ങളിൽ അഭിനയിക്കുന്ന ആൾ കൂടി ആണ് മോഹൻലാൽ. കാരണം മോഹൻലാൽ ആകുമ്പോൾ അതിനു കൂടുതൽ ജനശ്രദ്ധ ലഭിക്കും എന്നുള്ളത് തന്നെയാണ് സത്യം.

എന്നാൽ കുറച്ചു കാലങ്ങൾ ആയി മോഹൻലാൽ പോലും അറിയാതെ മോഹൻലാലിനെ രാഷ്ട്രീയ വൽക്കരിക്കാനുള്ള ശ്രമങ്ങൾ നടന്നു വരുന്നത്. മോഹൻലാൽ ബിജെപി സ്ഥാനാർഥി ആയി മത്സരിക്കും എന്നുള്ള കിംവദന്തികൾ എല്ലാ തിരഞ്ഞെടുപ്പ് കാലത്തും വലിയ ചർച്ച ആകാറുമുണ്ട്.

എന്നാൽ ഇപ്പോൾ മോഹൻലാലിനെക്കുറിച്ചു ലാൽസലാം എന്ന പേജിൽ വന്ന കുറിപ്പ് ആണ് ശ്രദ്ധ നേടുന്നത്…

മോഹൻലാൽ എന്ന നടനെ ഇഷ്ടമാണ്. മറ്റെല്ലാ മലയാളികളെയുംപോലെ അദ്ദേഹത്തിന്റെ സിനിമകൾ ഒരു സിനിമാസ്വാദകൻ എന്ന നിലയിൽ ഒരുപാട് സ്വാധീനം ചെലുത്തിയിട്ടുണ്ട്.
മനസിലാക്കിയിടത്തോളം മോഹൻലാലിന് അന്തരിച്ച കോൺഗ്രസ് നേതാവ് ശ്രീ കെ കരുണാകരനോട്‌ ആയിരുന്നു ഏറ്റവും അടുപ്പം.

നിലവിൽ അയാൾക്ക് മുഖ്യമന്ത്രി പിണറായി വിജയനോടും പ്രധാനമന്ത്രി നരേന്ദ്രമോഡിയോടും കൂടുതൽ ബഹുമാനം കാണിക്കുന്നതായി കണ്ടിട്ടുണ്ട്. അതിനപ്പുറം എന്തെങ്കിലും രാഷ്ട്രീയ അനുഭാവം ഉണ്ടെന്ന് തോന്നിയിട്ടില്ല. എങ്കിലും ചിലപ്പോഴൊക്കെ അയാളുടെ നിലപാടിനെ വിമർശന വിധേയമാക്കിയിട്ടുമുണ്ട്.

ഇനിപ്പറയുന്നത് കുറച്ചു ഗൗരവതരമായ വിഷയമാണ്. കഴിഞ്ഞകുറച്ചു കാലമായി ഇഅദ്ദേഹത്തിന്റെതായി വരുന്ന സിനിമകൾക്ക് നേരെ ചിലർ മുൻവിധികളോട് സമീപിക്കുന്നുണ്ടോ എന്ന് സംശയമുണ്ട്. കേവലം ഫാൻ ഫൈറ്റുകൾക്ക് അപ്പുറം വർഗ്ഗീയ വിഷയമായി ഉയർത്തിക്കൊണ്ടുവരാൻ ചിലർ ബോധപൂർവമായി ശ്രമിക്കുന്നുണ്ട് എന്നാണ് മനസിലാവുന്നത്.

മോഹൻലാലിനെ തങ്ങളുടെ പക്ഷത്തേക്ക് അടുപ്പിക്കാൻ ഏറ്റവും വൃത്തികെട്ട കളി നടത്തുന്ന ‘സംഘ ‘വും അങ്ങേരെ സംഘ് ആക്കിയേ അടങ്ങൂ എന്ന് കച്ചകെട്ടി ഇറങ്ങിയ ചില പൊളിറ്റിക്കൽ ഇസ്ലാമിസ്റ്റ് ചിന്താഗതിക്കാരെയും ഒരു പോലെ സൂക്ഷിക്കണം എന്നാണ് അഭിപ്രായം. മോഹൻലാലിനെ ചൂണ്ടി വിഭജന രാഷ്ട്രീയം പ്രചരിപ്പിക്കാൻ ആരെങ്കിലും ശ്രമിക്കുന്നുണ്ടെങ്കിൽ അവരെ തിരിച്ചറിയാനുള്ള വിവേകം മലയാളികൾ കാണിക്കണം.