സ്വർണ്ണത്തിനു പകരം ഉള്ളി മാലയിട്ട് നവവധു; വൈറലായ പുത്തൻ വെഡിങ് ഫോട്ടോഷൂട്ട്..!!

കാലം മാറുന്നതിനു അനുസരിച്ചു കോലവും മാറുന്നു എന്ന് പറയുന്നത് പോലെയാണ് ഇപ്പോൾ കാര്യങ്ങൾ. വിവാഹത്തിന് ഒപ്പം തന്നെ ഫോട്ടോയും അതിന്റെ രീതികളിലും മാറ്റം വന്നു. ഇന്ന് സാമൂഹിക മാധ്യമങ്ങൾ വഴി മാർക്കറ്റ് ചെയ്താണ് എല്ലാ സംഭവങ്ങളും നടക്കുന്നത്.

പെട്രോൾ വില കുതിക്കുമ്പോൾ കിളി പോയി നിന്ന ജനങ്ങളെ അതിന്റെ ഇരട്ടി വിലയിൽ ആണ് ഇപ്പോൾ സവാളയും വില നിൽക്കുന്നത്. കഴിഞ്ഞ മാസം വരെ 4 കിലോ നൂറു രൂപക്ക് കൊടുത്തിരുന്ന ഉള്ളിയുടെ ഇന്നത്തെ വില കിലോക്ക് 200 രൂപയാണ്. അത്തരത്തിലൊരു വ്യത്യസ്തമായ വെഡ്ഡിങ് ഫോട്ടോഷൂട്ട് വൈറലാകുകയാണ്.

ഉള്ളിയ്ക്ക് വില കൂടിയതില്‍ പ്രതിഷേധിച്ച് ടിക്ടോക്കിലും സോഷ്യല്‍ മീഡിയയിലും ചിത്രങ്ങളും വീഡിയോയും വൈറലാകുമ്പോഴാണ് ഇത്തരത്തില്‍ വേറിട്ട ആശയം വെഡ്ഡിങ് ഡേയിലും കൊണ്ടു വന്നിരിക്കുന്നത്. വധു ഉള്ളിയും കഴുത്തിലണിഞ്ഞാണ് ചിത്രത്തിലുള്ളത്. ചിത്രം സോഷ്യല്‍ മീഡിയയില്‍ വൈറലാണ്. വിഷ്ണു വൈറ്റ് റാമ്പ് എന്ന ഫോട്ടോ ഗ്രാഫർ ആണ് ഉള്ളിയിൽ നവവധു നിൽക്കുന്ന ചിത്രം സാമൂഹിക മാധ്യമത്തിൽ ഷെയർ ചെയ്തത്.