ഇതുവരെ ഒരു കുഞ്ഞുപിറന്നില്ല; ഇനി വേണ്ട എന്നാഗ്രഹിച്ചു പോകുന്നു; വാളയാർ വിഷയത്തിൽ വേദനയുടെ സാജു നവോദയ..!!
വാളയാർ വിഷയത്തിൽ കൂടുതൽ താരങ്ങൾ രംഗത്ത്. ഇത്തരം വിഷയങ്ങൾ ഉണ്ടാകുമ്പോൾ ചങ്ക് തകർന്നു പോകുന്നു എന്നാണ് സാജു നവോദയ പറയുന്നത്. വാളയാർ കേസിൽ പെൺകുട്ടികൾക്ക് നീതി ലഭിക്കണം നീതി നിഷേധിക്കപ്പെട്ട അവസ്ഥയാണ് ഇപ്പോൾ ഉള്ളത്.
പ്രതിഷേധ കൂട്ടായ്മയില്‍ പങ്കെടുത്ത സാജു നവോദയ മാധ്യമങ്ങളോട് സംസാരിക്കവേ വികാരാധീനനായി. ഏറെ വര്‍ഷങ്ങളായി കുഞ്ഞുങ്ങളില്ലാത്ത ആളാണ് താനെന്നും അതില്‍ വലിയ വിഷമമുണ്ടെന്നും സാജു പറഞ്ഞു. എന്നാല്‍ ഇനി തനിക്കു മക്കള്‍ വേണ്ട എന്നാണ് ഇപ്പോള്‍ ചിന്തിക്കുന്നതെന്നും വാളയാര്‍ വിഷയം ചൂണ്ടിക്കാട്ടി സാജു പറയുന്നു.
ഇക്കാര്യം പറഞ്ഞുകൊണ്ടിരിക്കെ സാജുവിന്റെ കണ്ണുകൾ നിറഞ്ഞൊഴുകി. ഇത്തരം വിഷയങ്ങൾ ഇനിയും ആവർത്തിക്കും എന്നും താരം കൂട്ടിച്ചേർത്തു.
“ഇത് മാധ്യമങ്ങള്‍ വഴി അറിഞ്ഞ കാര്യമാണ്. അറിയാത്ത കാര്യങ്ങള്‍ നിരവധിയുണ്ടാകും. പിഞ്ചു കുട്ടികള്‍ക്ക് നീതി നിഷേധിക്കപ്പെട്ടിരിക്കുകയാണ്. മക്കള്‍ ഉണ്ടാകരുത് എന്നാണ് ഇപ്പോള്‍ ആഗ്രഹം. മക്കളുണ്ടായാല്‍ അവര്‍ക്ക് ഈ നാട്ടില്‍ സ്വസ്ഥമായി ഉറങ്ങാന്‍ സാധിക്കില്ല. കുഞ്ഞുമക്കളുടെ അവസ്ഥ കേട്ടിട്ടാണ് ഇങ്ങനെ പറയേണ്ടിവരുന്നത്. അത് ആണ്‍കുഞ്ഞായാലും പെണ്‍കുഞ്ഞായാലും.” സാജു പറഞ്ഞു.