മലയാളികൾ മറന്നോ ആ തന്റെടിയായ നായികയെ; സുനിത ഇവിടെയുണ്ട്..!!

മലയാളത്തിലെ സൂപ്പർസ്റ്റാറുകൾക്ക് ഒപ്പം എല്ലാം തന്നെ അഭിനയിച്ചിട്ടുയുള്ള എമ്പതുകളിലെ സൂപ്പർ നായികമാരിൽ ഒരാൾ ആയിരുന്നു സുനിത. 1986ൽ പുറത്തിറങ്ങിയ കോടയ് മഴ എന്ന രജനികാന്ത് നായകനായ തമിഴ് ചിത്രത്തിൽ കൂടിയാണ് സുനിത അഭിനയ ലോകത്ത് എത്തുന്നത്. ആദ്യ ചിത്രത്തിലെ വിദ്യ എന്ന പേരിൽ കൂടിയും സുനിത പ്രശസ്ത ആയിരുന്നു.

മമ്മൂട്ടി, മോഹൻലാൽ, ജയറാം, സുരേഷ് ഗോപി എന്നിവർക്ക് അഭിനയിച്ചിട്ടുള്ള സുനിത, കൂത്തമ്പലത്തിൽ വെച്ചോ കുറുമുഴികുന്നിൽ വെച്ചോ എന്ന തുടങ്ങുന്ന മോഹൻലാൽ നായകമായി എത്തിയ അപ്പുവിലെ ഗാനം ഇന്നും സൂപ്പർഹിറ്റ് ആണ്.

കോടയ് മഴ വിദ്യ എന്നപേരിൽ ഒരു പതിറ്റാണ്ടോളം മലയാളികൾക്ക് സുപരിചിതയിരുന്നു എണ്ണ കറുപ്പുള്ള സുന്ദരി നായിക സുനിത.

സിനിമയിൽ കൂടെ അഭിനയിച്ച സൂപ്പർതാരങ്ങളായ മോഹൻലാലും, മമ്മൂട്ടിയും ജയറാമും എന്തിന് രജനികാന്ത് വരെ സിനിമയിൽ ഇപ്പോഴും സജീവമാണ്, എന്നാൽ കോടയ് മഴ വിദ്യ ഇപ്പോൾ എവിടെയാണ്. ഒരു സിനിമ ഗ്രുപ്പിൽ വന്ന കുറിപ്പ് ഇങ്ങനെ,

കോടയ് മഴൈ വിദ്യ എന്ന പേര് കേട്ടാൽ അതാരാണെന്ന് ചലച്ചിത്രപ്രേമികളായ ഓരോ മലയാളിയും സ്വയം ചോദിച്ചു പോകും, എന്നാൽ കൂത്തമ്പലത്തിൽ വച്ചോ കുറുമൊഴിക്കുന്നിൽ വച്ചോ എന്ന ഗാനരംഗത്തിൽ മോഹന്‍ലാലിനൊപ്പം പ്രത്യക്ഷപ്പെടുന്ന ഇരുണ്ട നിറമുള്ള ചുറുചുറുക്കുള്ള പെണ്കുട്ടിയെ അത്ര പെട്ടെന്ന് മറക്കാൻ നമുക്കാർക്കും കഴിയില്ല. രണ്ടരപതിറ്റാണ്ടിനപ്പുറവും കോടൈമഴൈ വിദ്യ എന്ന സുനിത മലയാളിക്ക് അത്രമേൽ പ്രിയപ്പെട്ട അഭിനേത്രിയാണ്. വിദ്യാശ്രീ എന്ന സുനിതയെ ആദ്യമായി വെള്ളിത്തിരയിൽ കാണുന്നത് മുക്ത എസ്. സുന്ദര്‍ സംവിധാനം ചെയ്ത കോടൈ മഴൈ എന്ന തമിഴ് ചിത്രത്തിലൂടെലാണ്. രജനികാന്തും, പ്രസാദും, ലക്ഷ്മിയുമൊക്കെ മുഖ്യവേഷത്തിലെത്തിയ ചിത്രത്തിന് സംഗീതമൊരുക്കിയത് ഇളയരാജയായിരുന്നു.

അങ്ങനെ നല്ലൊരു തുടക്കം സുനിതക്ക് തമിഴ് സിനിമയില്‍ നിന്ന് ലഭിച്ചു. ഒപ്പം ചിത്രത്തിന്റെ പേരിലൂടെ അവർ പിൽക്കാലത്ത് തമിഴിലെമ്പാടും അറിയപ്പെട്ടു. തൊട്ടടുത്ത വർഷം മലയാളത്തിലും അവർ ഭാഗ്യം പരീക്ഷിച്ചു. രാജസേനൻ ഒരുക്കിയ കണികാണും നേരം എന്ന ചിത്രത്തിലൂടെയായിരുന്നു മലയാളം അരങ്ങേറ്റം. വിനീതായിരുന്നു സിനിമയിലെ നായകൻ. പക്ഷേ അവർ ശ്രദ്ധിക്കപ്പെട്ടത് പ്രതാപ് പോത്തനൊപ്പം അഭിനയിച്ച നിറഭേദങ്ങള്‍ എന്ന ചിത്രത്തിലൂടെയാണ്. പിന്നീട് ഏകദേശം ഒരു പതിറ്റാണ്ടോളം മലയാള സിനിമയിലെ മികച്ച ഒരുപിടി ചിത്രങ്ങളുടെ ഭാഗമാകാൻ ഈ നടിക്ക് കഴിഞ്ഞു. സ്വല്പം തന്റേടിയായ കഥാപാത്രങ്ങൾ ആയിരുന്നു അവർ അവതരിപ്പിച്ച മിക്ക വേഷങ്ങളുടെയും പൊതുവായ മുഖമുദ്ര. സാമ്പത്തിക വിജയം നേടിയതും കലാമൂല്യമുള്ളതുമായ ഒട്ടനവധി സിനിമകളുടെ ഭാഗമാകാൻ ഈ കാലയളവിൽ അവർക്ക് സാധിച്ചു. മലയാളത്തിലെ ഏതാണ്ട് എല്ലാ സൂപ്പർതാരങ്ങൾക്കുമൊപ്പം അഭിനയിക്കാനും ഈ കാലയളവിൽ അവർക്ക് സാധിച്ചിട്ടുണ്ട്.

അപ്പു, മൃഗയ, നീലഗിരി, വാത്സല്യം, വക്കീല്‍ വാസുദേവ്, ജോർജ്കുട്ടി C/O ജോർജ്കുട്ടി, പൂക്കാലം വരവായി, മിമിക്‌സ് പരേഡ്, സമൂഹം, കാസർകോട് കാദർഭായ്, ഗജകേസരിയോഗം, മുഖച്ചിത്രം, മുഖമുദ്ര, അങ്ങനെ എത്രയേറെ ചിത്രങ്ങൾ. 90കളിൽ തരംഗമായ ലോ-ബഡ്ജറ്റ് കുടുംബചിത്രങ്ങളിലെ അവിഭാജ്യഘടകമായിരുന്നു സുനിത. മാതുവിനെയും കാർത്തികയെയും പോലെ ശാലീന സൗന്ദര്യത്തിനുടമയായിരുന്നത് കൊണ്ട് വലിയ തോതിൽ ആരാധകവൃന്ദവും അവർക്ക് ഇവിടെ ഉണ്ടായിരുന്നു. മലയാളത്തിന് പുറമെ കന്നടയിലും നിരവധി ചിത്രങ്ങളിൽ അവർ അഭിനയിച്ചിട്ടുണ്ട്. സിബി മലയിൽ സംവിധാനം ചെയ്ത കളിവീട് എന്ന സിനിമയിലാണ് അവസാനമായി അവർ അഭിനയിച്ചത്. കമൽ, ഐ.വി.ശശി, സത്യൻ അന്തിക്കാട്, സിബി മലയിൽ, പി.ജി.വിശ്വംഭരൻ എന്നിവരുൾപ്പെടെ മലയാളത്തിലെ മികച്ച സംവിധായകർക്കൊപ്പം പ്രവർത്തിക്കാൻ അവർക്ക് സാധിച്ചിട്ടുണ്ട് അഭിനയത്തിന് പുറമെ നർത്തകി എന്ന നിലയിലും പ്രസിദ്ധയാണ് സുനിത. 3 വയസ്സില്‍ നൃത്തമഭ്യസിച്ചു തുടങ്ങിയ അവർ 11ആം വയസ്സിൽ അരങ്ങേറ്റം നടത്തി. ആന്ധ്രപ്രദേശ് സ്വദേശിയായ രാജിനെ 1996ൽ കല്യാണം കഴിച്ച അവർ ഏകമകൻ ശശാങ്കിനൊപ്പം അമേരിക്കയിലെ സൗത്ത് കരോലിനയിലാണ് താമസിക്കുന്നത്. വിവാഹശേഷം പൊതുവേദികളിലോ മാധ്യമങ്ങൾക്ക് മുൻപിലോ കാര്യമായി പ്രത്യക്ഷപ്പെട്ടിട്ടില്ല സുനിത. വിവാഹം കഴിച്ച് വിദേശത്ത് കഴിയുന്ന മറ്റ് നടിമാരെ പോലെ നൃത്താഞ്ജലി എന്ന പേരിലുള്ള തന്റെ നൃത്തവിദ്യാലയവുമായി ഇപ്പോഴും തിരക്കിലാണ് ഈ അഭിനേത്രി.

News Desk

Recent Posts

മോഹൻലാൽ നായകനായി എത്തുന്ന ബ്രഹ്മാണ്ഡ ചിത്രം എമ്പുരാൻ മാർച്ച്‌ 27ന് തന്നെ, ആദ്യ ഷോ രാവിലെ 6 മണിക്ക്..!!

മലയാളത്തിന്റെ പ്രിയ നടൻ മോഹൻലാൽ നായകനായി എത്തുന്ന പൃഥ്വിരാജ് സംവിധാനം ചെയ്യുന്ന മലയാളത്തിലെ എക്കാലത്തെയും വലിയ ചിത്രം എമ്പുരാൻ മാർച്ച്‌…

2 days ago

മൂന്നു താരങ്ങൾ, ഒരു ക്രിക്കറ്റ് മാച്ച്, ജീവിതം മാറ്റിമറിക്കുന്ന ഒരു കഥ; മാധവൻ- നയൻ‌താര- സിദ്ധാർഥ് ചിത്രം “ടെസ്റ്റ്” നെറ്റ്ഫ്ലിക്സ് പ്രീമിയർ ഏപ്രിൽ 4 ന്

ആർ മാധവൻ, നയൻ‌താര, സിദ്ധാർഥ് എന്നിവരെ പ്രധാന കഥാപാത്രങ്ങളാക്കി എസ് ശശികാന്ത് രചിച്ചു സംവിധാനം ചെയ്ത "ടെസ്റ്റ്" എന്ന ചിത്രത്തിന്റെ…

1 week ago

പതിമൂന്നാം ആഴ്ചയിലും നെറ്റ്ഫ്ലിക്സിൽ തരംഗമായി ദുൽഖർ സൽമാൻ ചിത്രം; അപൂർവ റെക്കോർഡുമായി ലക്കി ഭാസ്കർ

ദുൽഖർ സൽമാൻ നായകനായ പാൻ ഇന്ത്യൻ തെലുങ്ക് ചിത്രം ലക്കി ഭാസ്കർ മൂന്നു മാസങ്ങൾക്കു മുൻപാണ് ഒടിടി റിലീസായി നെറ്റ്ഫ്ലിക്സിൽ…

3 weeks ago

തേജ സജ്ജ- കാർത്തിക് ഘട്ടമനേനി പാൻ ഇന്ത്യ ഫിലിം “മിറായി” റിലീസ് ഓഗസ്റ്റ് ഒന്നിന്

തെലുങ്ക് യുവതാരം തേജ സജ്ജയെ നായകനാക്കി കാർത്തിക് ഘട്ടമനേനി സംവിധാനം ചെയ്ത "മിറായി" റീലീസ് തീയതി പുറത്ത്. 2025 ഓഗസ്റ്റ്…

3 weeks ago

കെട്ടിപ്പിക്കാൻ തോന്നുന്ന ദിവസങ്ങളുണ്ട്, കുറെ കാലങ്ങളായി സിംഗാളാണ്; ഒറ്റക്കുള്ള ജീവിതത്തെ കുറിച്ച് പാർവതി തിരുവോത്ത്..!!

മലയാള സിനിമയിലെ അഭിനയ പ്രതിഭ കൊണ്ട് വേറിട്ട് നിന്ന കലാകാരിയാണ് പാർവതി തിരുവോത്ത്. അഭിനയ ലോകത്തിൽ കുറച്ചു കാലങ്ങളായി തിരക്കേറിയ…

1 month ago

അദ്ദേഹത്തിന് പുള്ളിക്കാരി ഒക്കെ ആണെങ്കിൽ ഞാൻ എന്ത് പറയാൻ; ഭർത്താവിനെ കുറിച്ച് വീണ നായർ..!!

സീരിയൽ സിനിമ മേഖലയിൽ കൂടിയും ഒപ്പം ബിഗ്ഗ് ബോസിൽ കൂടിയും ശ്രദ്ധ നേടിയ താരമാണ് വീണ നായർ. മലയാളത്തിൽ ശ്രദ്ധേയമായ…

1 month ago