പെൺകുട്ടിയുടെ വിവാഹത്തിന് വസ്ത്രവും ഒരുലക്ഷം രൂപയും നൽകി സുരേഷ് ഗോപി..!!
മലയാളികൾക്ക് ഏറെ ഇഷ്ടമുള്ള നടനാണ് സുരേഷ് ഗോപി. മികച്ച സാമൂഹിക പ്രവർത്തകനും രാഷ്ട്രീയ നേതാവുമായി സുരേഷ് ഗോപി സമൂഹത്തിൽ പിന്നോക്കം നിൽക്കുന്ന ഒട്ടേറെ ആളുകൾക്ക് കൈത്താങ്ങുമായി എത്താറുണ്ട്.
ബിജെപി എംപി കൂടിയായ സുരേഷ് ഗോപിയുടെ രാഷ്ട്രീയം നോക്കി നിരവധി ആളുകൾ വിമർശനം നടത്താറുണ്ട് എങ്കിൽ കൂടിയും അദ്ദേഹത്തിൽ നിന്നുമുള്ള കരുതലിനും സഹായത്തിനുമായി നിരവധി ആളുകൾ എത്താറുമുണ്ട്.
അത്തരത്തിൽ സെപ്റ്റംബറിൽ വിവാഹിതയാകാൻ പോകുന്ന സാമ്പത്തികമായി പിന്നോക്കം നിൽക്കുന്ന യുവതിയുടെ വിവാഹത്തിന് വേണ്ട സഹായങ്ങളുമായി സുരേഷ് ഗോപി എത്തിയത്.
ഏറ്റുമാനൂർ സ്വദേശി ആയ അശ്വതി അശോക് എന്ന യുവതിക്ക് വേണ്ടി ആണ് സുരേഷ് ഗോപി ഒരു ലക്ഷം രൂപയുടെ ധനസഹായവും അതോടൊപ്പം വിവാഹ വസ്ത്രങ്ങളും നൽകിയത്. അച്ഛൻ നേരത്തെ നഷ്ടമായ അശ്വതിയെ നോക്കുന്നത് അമ്മയാണ്. 21 വർഷം മുന്നെയാണ് അച്ഛന്റെ വിയോഗം. അമ്മ ഒരു സ്വകാര്യ റിസോർട്ടിൽ തൂപ്പുകാരിയായി ജോലി നോക്കുകയാണ്.
കോവിഡ് പ്രതിസന്ധി വന്നതോട് കൂടിയാണ് വിവാഹം നടത്തുന്നത് ബുദ്ധിമുട്ടായി മാറിയത്. സെപ്റ്റംബർ ഒൻപതിനാണ് വിവാഹം നിശ്ചയിച്ചിരിക്കുന്നത്. വിവാഹം നടത്തുവാനുള്ള ബുദ്ധിമുട്ടിനെ കുറിച്ച് ദേവികുളം ലോക്കൽ പോലീസ് സ്റ്റേഷനിലെ ഓഫീസർമാരാണ് സുരേഷ് ഗോപിയെ അറിയിച്ചത്.
തുടർന്ന് ഏറ്റുമാനൂർ മഹാദേവ ക്ഷേത്രത്തിന് മുന്നിൽ വെച്ച് ഒരു ലക്ഷത്തിന്റെ ചെക്കും വിവാഹവസ്ത്രവും താരം അശ്വതിക്ക് നൽകി. സുരേഷ് ഗോപി നേരിട്ടെത്തിയാണ് വിവാഹ വസ്ത്രങ്ങൾ അടക്കം നൽകിയത്. സുരേഷ് ഗോപിയിൽ നിന്നും അനുഗ്രഹം വാങ്ങാനും അശ്വതി മറന്നില്ല.
എന്റെയും ആനിയുടേയും വിവാഹം നടന്നത് സുരേഷ് ഗോപിയുടെ വീട്ടിൽവെച്ചാണ്; ഷാജി കൈലാസ്..!!