ഇടുക്കിയിൽ ബെല്ലി ഡാൻസും നിശാ പാർട്ടിയും; കേസെടുത്തു; പ്രമുഖർ പങ്കെടുത്തു എന്ന് റിപ്പോർട്ട്..!!

ഇടുക്കിയിൽ സ്വകാര്യ റിസോർട്ടിൽ ബെല്ലി ഡാൻസും നിശാപാർട്ടിയും നടത്തിയതിന് പോലീസ് കേസെടുത്തു. ഇടുക്കി ശാന്തൻപാറയിൽ ആണ് സംഭവം. 250 ഓളം ആളുകൾ പങ്കെടുത്ത പരിപാടി കൊറോണ മാനദണ്ഡങ്ങൾ പാലിക്കാതെ ആണ് നടത്തിയത്. ഉടുമ്പുംചോലയിൽ ഉള്ള റിസോർട്ട് ഉടമക്ക് എതിരെ ആണ് കേസ്.

പുതുതായി തുടങ്ങിയ റിസോർട്ടിന്റെ ഉൽഘാടനവുമായി ബന്ധപ്പെട്ട് ആണ് നിശാപാർട്ടി നടത്തിയത്. ജൂൺ 28 നു ഉടുമ്പുംച്ചോല ശാന്തൻപാറയിൽ ഉള്ള റിസോർട്ടിൽ വൈകിട്ട് 8 മണിക്ക് തുടങ്ങി ഡാൻസ് പരിപാടി 6 മണിക്കൂറോളം നീണ്ടു നിന്നു.

പരിപാടിയിൽ പ്രമുഖരായ രാഷ്ട്രീയ നേതാക്കൾ പങ്കെടുത്തു എന്നാണ് മനോരമ ഓൺലൈൻ റിപ്പോർട്ട് ചെയ്യുന്നത്. അന്യസംസ്ഥാനത്ത് നിന്നും ഉള്ള പെൺകുട്ടികൾ ആണ് ഡാൻസ് ചെയ്യാൻ എത്തിയത്.