ദേവനന്ദയുടെ വിയോഗത്തിൽ പൊട്ടിക്കരഞ്ഞു അച്ഛൻ; ആശ്വസിപ്പിക്കാനാവാതെ ബന്ധുക്കളും നാട്ടുകാരും..!!

ഇന്നലെ രാവിലെ മുതൽ രാപകലില്ലാതെ ഇളവൂർ എന്ന നാടും അവിടെത്തെ നാട്ടുകാരും ഉറങ്ങിയിട്ടില്ല. എന്ത് സംഭവിച്ചാലും കുഴപ്പമില്ല ജീവനോടെ ആ പോന്നമനയെ കിട്ടിയാൽ മതി എന്ന പ്രാർത്ഥനയിൽ ആയിരുന്നു എല്ലാവരും. എന്നാൽ ആ പ്രാർത്ഥനകൾ എല്ലാം വിഫലമാക്കി ദേവനന്ദയുടെ മൃതദേഹം ഇന്ന് രാവിലെ കണ്ടെത്തുക ആയിരുന്നു.

മകളുടെ തിരോധാനം അറിഞ്ഞു ഇന്നലെ തന്നെ പ്രവാസിയായ അച്ഛൻ പ്രവീൺ നാട്ടിലേക്ക് തിരിച്ചിരുന്നു. ഇന്ന് രാവിലെ തിരുവനന്തപുരം വിമാനത്താവളത്തിൽ എത്തിയ പ്രവീൺ. മകളുടെ ചേതനയറ്റ ശരീരത്തിന് അടുത്തേക്കാണ് എത്തിയത്. പോലീസും ബന്ധുക്കളും ചേർന്ന് കുഞ്ഞിന്റെ മൃതദേഹം കാണിച്ചപ്പോൾ പ്രവീൺ കുഞ്ഞിനെ പോലെ വാവിട്ട് പൊട്ടിക്കരഞ്ഞു. എന്ത് ചെയ്യണം എന്നറിയാതെ നാട്ടുകാരും ബന്ധുക്കളും തേങ്ങി പോയി.

വീടിന്റെ തൊട്ടടുത്ത് ഉള്ള പള്ളിമൺ ആറ്റിൽ ആണ് ഏഴ് വയസുള്ള ദേവനന്ദയുടെ മൃതദേഹം കണ്ടെടുത്തത്. കുട്ടി ഒറ്റയ്ക്ക് മറ്റു വീടുകളില്‍ പോകാറില്ലെന്നാണ് അമ്മയും ബന്ധുക്കളും ആവര്‍ത്തിച്ചു പറയുന്നുണ്ട്. ഇതാണ് കുട്ടി എവിടെ പോയി എന്നതില്‍ ദുരൂഹത ഉയര്‍ത്തിയത്. 15 മിനിട്ടിനുള്ളിലാണ് കുട്ടിയെ കാണാതായത്.

ഈ സമയത്ത് വീട്ടു പരിസരത്ത് ആരും എത്തിയതായി അറിയില്ലെന്നാണ് അമ്മയുടെ മൊഴി. കുട്ടി ആറിനു സമീപത്തേക്ക് പോകാറുമില്ലത്രെ. എന്തായാലും ഇന്നലെ മുതൽ സൈബർ ലോകം അടക്കമുള്ള തിരച്ചിലിൽ ദേവാനന്ദയുടെ വിയോഗം വല്ലാത്ത വേദന തന്നെയാണ് ഉണ്ടാക്കിയത്.