തമിഴ് നടൻ ശിവകാർത്തികേയൻ കള്ള വോട്ട് ചെയ്തു; നടപടിയെടുക്കുമെന്ന് തിരഞ്ഞെടുപ്പ് കമ്മീഷൻ..!!

ഏപ്രിൽ 18ന് ആയിരുന്നു തമിഴ്‌നാട്ടിൽ തിരഞ്ഞെടുപ്പ് നടന്നത്, എന്നാൽ, വോട്ടർ ലിസ്റ്റിൽ പേരില്ലാത്ത നടൻ ശിവ കാർത്തികേയൻ വോട്ട് ചെയ്തതാണ് ഇപ്പോൾ വിവാദത്തിൽ ആയിരിക്കുന്നത്.

വോട്ടർ പട്ടികയിൽ പേരില്ലാത്ത താരത്തിന് വോട്ട് ചെയ്യാൻ അനുമതി നൽകിയ ഉദ്യോഗസ്ഥർക്ക് എതിരെ ശക്തമായ നടപടികൾ ഉണ്ടാകും എന്നാണ് മുഖ്യ തിരഞ്ഞെടുപ്പ് കമ്മീഷൻ സത്യബത്ര സാഹു അറിയിച്ചത്.

ചെന്നൈ വത്സരവാക്കത്തെ സ്‌കൂളിൽ ആയിരുന്നു ശിവ കാർത്തികേയൻ വോട്ട് ചെയ്യാൻ എത്തിയത്, ഭാര്യ ആർത്തിക്ക് ഒപ്പം വോട്ട് ചെയ്യാൻ എത്തിയ നടനോട്, ഭാര്യയുടെ പെരുമാത്രമേ വോട്ടർ ലിസ്റ്റിൽ ഉള്ളൂ എന്ന് അറിയിച്ചപ്പോൾ, പ്രത്യേക അനുമതി നേടിയിട്ടുണ്ട് എന്ന് പറഞ്ഞാണ് വോട്ട് ചെയ്തത്.

വോട്ട് ചെയ്തതിന് ശേഷം, താരം ചിത്രങ്ങൾ ട്വിറ്ററിൽ പോസ്റ്റ് ചെയ്യുകയും അവകാശത്തിന് വേണ്ടി പോരാടണം എന്നാണ് തലക്കെട്ട് നൽകിയത്.

എന്നാൽ, ഇല്ലാത്ത വോട്ട് ചെയ്ത ശിവകാർത്തികേയന് എതിരെ രൂക്ഷ വിമർശനം ആണ് സോഷ്യൽ മീഡിയയിൽ ഉണ്ടായത്.