ധോണി പുറത്തു തന്നെ; സഞ്ജു സാംസൺ ഇന്ത്യൻ ടീമിൽ..!!

മലയാളികൾക്ക് അഭിമാനമായി സഞ്ജു സാംസൺ ഇന്ത്യൻ ടീമിൽ. ബംഗ്ളാദേശിന്‌ എതിരെയുള്ള 20 – 20 പരമ്പരയിൽ ആണ് സഞ്ജുവിനെ തിരഞ്ഞെടുത്തിരിക്കുന്നത്. സഞ്ജു വിക്കറ്റ് കീപ്പർ ബാറ്റ്സ്മാൻ ആണെങ്കിലും സ്പെഷ്യലിസ്റ് ബാറ്റ്സ്മാൻ ആയി ആണ് സഞ്ജുവിനെ എടുത്തിരിക്കുന്നത്.

വിക്കറ്റ് കീപ്പർ ബാറ്റ്സ്മാൻ ആയി ഋഷിദ് പന്ത് ആണ് ടീമിൽ ഉള്ളത്. എന്നാൽ മഹേന്ദ്ര സിങ് ധോണിയെ ടീമിലേക്ക് പരിഗണിച്ചില്ല എന്നുള്ളത് ശ്രദ്ധേയമാണ്. ഇക്കഴിഞ്ഞ വിജയ് ഹസാരെ ട്രോഫിയിൽ നടത്തിയ ഗംഭീര പ്രകടനമാണ് സഞ്ജുവിനെ ടീമിലെത്തിച്ചത്.

ഋഷഭ് പന്തിൻ്റെ മോശം ഫോമിൻ്റെ പശ്ചാത്തലത്തിൽ സഞ്ജുവിനെ ടീമിൽ പരിഗണിക്കമെന്ന ആവശ്യം ശക്തമായിരുന്നു. സ്പെഷ്യലിസ്റ്റ് ബാറ്റ്സ്മാനായി ടീമിലെത്തിയതു കൊണ്ട് തന്നെ മൂന്നാം നമ്പറിൽ സഞ്ജു കളിച്ചേക്കും.

അതേ സമയം ലോകേഷ് രാഹുൽ കൂടി ടീമിലെത്തിയത് മറ്റൊരു വെല്ലുവിളിയാവാനും സാധ്യതയുണ്ട്. നവംബർ 20 നു ഡൽഹിയിൽ ആണ് ആദ്യ മത്സരം.